Алтын көз үзенең матур, кояшлы көннәре белән  сокландырган вакытта, атна темасын йомгаклап, бакчабызда  җылы, шатлыклы һәм төсле бер бәйрәм – «Алтын көз» кичәсе булып үтте.

Бәйрәмдә балалар көз турында шигырьләр сөйләделәр, матур җырлар башкардылар һәм дәртле биюләр күрсәттеләр. Бигрәк тә балаларның танылган «Шалкан» әкиятен сәхнәләштерүе hәркемнең күңеленә хуш килде – кечкенә артистлар үзләренең рольләрен бик оста һәм тырышып башкардылар.

Шулай ук бәйрәм уңаеннан балалар һәм әти-әниләр бергә тырышып ясаган кул эшләнмәләреннән  күргәзмә оештырылды. Көзнең нигъмәтләреннән һәм табигать материалларыннан ясалган бу могҗизалар hәркемнең соклануын уятты.

Бу көнне безнең кунаклар – әти-әниләр дә читтә калмады. Алар үзләренең балаларының чыгышларын карап сөенделәр, бәйрәмгә ямь өстәделәр.