Бүген бакчабызда татар халкының милли бәйрәме - «Нәүрүз» үткәрелде. Бу бәйрәм язны каршылап, язгы чәчү эшләре алдыннан үткәрелә торган халык бәйрәме булып санала. Ул 21 нче март көн белән төн тигезләшкән көнгә туры килә. Бу көнне кешеләр кунак чакыралар, бер-берсенә булган үпкә-ачуларын оныталар, җырлыйлар һәм бииләр, рәхәтләнеп күңел ачалар, уеннар уйныйлар. Бакчабызда узган Нәүрүз бәйрәмендә дә балалар яз турында шигырьләр сөйләделәр, матур җырлар җырладылар, уеннар уйнадылар. Соңыннан балалар бәйрәм хуҗасы Нәүрүзбикәнең күчтәнәче — тәмле коймак белән сыйландылар.