Һәрьяктан камил кешедә һичшиксез булырга тиешле сыйфатларның берсе – аның хезмәтне нык яратуы, хезмәт кешеләренә хөрмәтле булуы. Балаларны кулдан килгәнчә, көчләре җиткәнчә эшләтү – тәрбиянең мәҗбүри шарты. Хезмәт тәрбиясенә нигез гаиләдә салына. Ә балалар бакчасыннан ук инде ул камилләштерелә. Шушы шартны күздә тотып, без дә балалар белән бакчабыздагы участокта чәчәкләргә, яшелчәләргә сулар сибәбез, чүпләрен утыйбыз. Бу, хезмәт тәрбиясе белән беррәттән, матурлык, чисталык булдыру, аны күрергә өйрәтү булып та тора.