Күктәге йолдызларны

Тизрәк тотасы килә.

Галәмдәге серләрне

Бик тиз беләсе килә.

Галәмгә без очарбыз,

Йолдызларны тотарбыз.

Очкан чакта болытларны,

Ак җилләрне кочарбыз.

Әлеге атна "космос" темасы астында үтте. Балаларга шигырьләр укылды, табышмаклар әйтелде һәм презентация ярдәмендә “космос” аңлатылды. Балалар  атна дәвамында презентациядән файдаланып апликацияләр, рәсемнәр ясадылар, бик теләп һәм кызыксынып катнаштылар.

25 март авылыбызда  нәүрүз  бәйрәме үткәрдек . Ул мәктәп, клуб, детсад белән берлектә, урамда үткәрелде. Карга боткасы пешердек , коймак белән чәй эчтек. Балалар җырладылар, биеделәр, шигырьләр сөйләделәр, бик күп уеннарда катнаштылар. Көне дә без теләгәнчә матур булды,бәйрәм бик күңелле үтте.

Әлеге атна “Ил сакчылары” темасы астында узды. Балалар төрле шигырьләр, хикәяләр тыңладылар, җырлар җырладылар. Өйләрендә әзерләнеп килеп әтиләре турында кечкенә хикәяләр сөйләделәр. Бик тырышып әтиләренең портретларын ясадылар һәм бүләккә открыткалар ясадылар. Йомгаклау чарасы итеп әти-әниләр белән “күңелле стартлар” үткәрдек. Әти-әниләр ярышларда үзләренең тапкырлыкларын, зирәклекләрен һәм җитезлекләрен күрсәттеләр. Бәйрәм күңелле үтте!

Бакчабызда Муса Җәлилгә багышланган атна тәмамланды. Балалар Муса Җәлилнең тормыш юлы һәм иҗаты белән таныштылар, рәсемнәр ясадылар, презентацияләр карадылар. “Кызыл ромашкалар”, “Әтәч”, “Карак песи”, “Сәгать” шигырьләреннән өзекләр ятлап, сәнгатьле итеп сөйләделәр. Йомгаклап, “Куян” шигырен рольләргә бүлеп сәхнәләштердек.

Ап-ак тун киеп кыш килде,

Яфрак-яфрак кар ява.

Без дә кидек җылы туннар,

Куркытмый салкын һава.

Сөенәбез, шатланабыз,

Күңелле үтә кышлар.

Чаңгылар һәм чаналар —

Безнең иң якын дуслар.

«Лыжня России-2013»

9 нчы февраль көнне без көтеп алган чаңгы ярышы булды. Без бу ярышка бик күптәннән әзерләндек. Балалар чаңгыда йөрүне бик тиз үзләштерделәр  һәм ярышта да  бик теләп катнаштылар. Ярыштан соң төрле күңелле-мавыктыргыч уеннар уйнадык,  балаларга бүләкләр тапшырдык. Балалар бик канәгать калдылар.

Ярышта без дә балалардан калышмадык.