Кечкенәләребез белән "Дымкова үрдәген" бизәдек. Рәсемне бармаклар белән буяуны бигрәк яратабыз.

Атна темасын төгәлләп күңелле стартлар уйнадык.

Олыяз мәдәният йортында бакчабызның  иң күңелле бәйрәмнәрнең берсе- яңа ел кичәсен уздырдык. Балалар, әкият сәхнәләштерделәр, "кар бөртекләре", "гномнар" булып биеделәр, җырладылар, шигырьләр сөйләделәр. Бәйрәмнең иң көтелгән кунагы-Кыш бабай белән уеннар уйнадылар. Бәйрәм ахырында  Кыш бабай төрле бүләкләр, күчтәнәчләр өләште. Бәйрәм бик күңелле үтте!

Яңа ел бәйрәмен барыбыз да сагынып, көтеп алабыз. Карточкага төшү өчен  фотозона эшләдек, ишегалдына матур сыннар ясап куйдык, әйләнә- тирәбездә матурлык булдырдык!

Кыш бабай, кыш бабай

Безне бик ярата.

Ул безгә Яңа ел-

Бүләге тарата.

Фотозонабыз әзер. Фотоларга төшүне  башладык!

Урамнарга, бакчаларга,

Урман, кырлар өстенә

Ак мамыктай күбәләк кар

Төшә дә төшә генә.

 Яңа яуган кар шыгырдый,

Өстенә баскан саен,

Курыкмыйча каршылыйбыз

Салкын кыш аен.

"Кышлаучы кошларга ярдәм итик!" -девизын хуплап, балалар әтиләре белән җимлекләр ясап элделәр.