Без җимлекләр ясадык,

Кышкы ашханә ачтык.

Бездә кышлаучы кошларның

Барсын кунакка дәштек.

Балаларның организмнарын чыныктыру, сәламәтлекләрен ныгыту, аларда сәламәт яшәү рәвеше тәрбияләү төп бурычларыбызның берсе булып тора.Безнең бакчада бу бурычларны тормышка ашыру  өчен барлык уңайлыклар да каралган. Балалар атнаның ике көнендә боз сараена фигуралы шууга йөрсәләр, атна уртасында  бассейнда да рәхәтләнеп су кереп кайталар.Моннан тыш төркемнәрдә даими рәвештә төрле чыныктыру чараларын да үткәреп барабыз:сәламәтләндерү гимнастикасы, нокталы массаж, тамак төбен чайкау, бит-кулларны салкынча су белән юу  h.б.

"Сәламәт тәндә - сәламәт акыл ", - диләр. Балаларыбыз hәрвакыт сәламәт булсыннар!

30 декабрь көнне Лесхоз мәдәният йортында Бал-маскарад узды. Чара, төрле оешмалардан 6 команда тупланып, КВН формасында үткәрелде. "Әби-чәбиләр", "Чегәннәр", "Пилмәннәр" h.б. командалар арасында без, ягъни балалар бакчасы хезмәткәрләре,   "Музыкаль десант" исеме астында катнаштык. Командалар бик яхшы әзерләнгәннәр иде. Ләкин бездә дә җиңү теләге көчле иде.  Солдатлар тормышыннан кызыклы хәлләр күренешләрен тамашачылар рәхәтләнеп көлеп карадылар, ә инде эстафетада без беренчеләр идек. Онытылмаслык мизгелләр!

Әй, Кыш бабай, Кыш бабай

Хуш киләсең, уз бире,

Кунак булып килер дип,

Күптән көттек без сине.

Спорт белән шөгыльләнәбез

Сәламәт булыр өчен.

Кышын чаңгыда шуабыз,

Кызганмый бөтен көчне.

Йөрәгемнең иң түрендә

Иң кадерлем - Әнием.

Яхшылыкта, матурлыкта

Үрнәк миңа Әнием.

Лесхозым, син мәңге шаулар

Яшел урманнар иле.

Ераклардан сагынып кайта

Читкә киткәннәр кире.

Көн дә күнегүләр ясыйм:

Гер күтәрәм, туп тибәм...

Шаккатмассыз, әгәр мәшһүр

Чемпион чыкса миннән.

Оча яфрак, уйный яфрак

Һаваларда әйләнеп.

Бүген, бүген, бүген, бүген

Көзнең матур бәйрәме.