Кызыксынучанлык, яңалыкка омтылу, эзләнүчәнлек, мөстәкыйльлек кебек мөһим сыйфатлар нәкъ менә балачакта формалаша. Бу максатка ирешкәндә мавыктыргыч күнегүләр, дидактик уеннар ярдәм итә.

Дидактик уеннар балаларның акыл үсешен, активлыгын үстерү чарасы булып тора, психик процессларны активлаштыра, танып белүгә кызыксындыру тудыра. Ул теләсә нинди шөгыльне  мавыктыргыч ясарга булыша, балаларда тирән канәгатьләнү хисе булдыра, шатлыклы эш кәефе тудыра, белем алу процессын җиңеләйтә. Уенлы биремнәр балаларда тапкырлык, зирәклек тәрбияли. Кошлар темасын ныгытканда «Кайсы кош артык», “Кышлаучы – күчмә”, “Кошны ата hәм сөйлә”, “Кисәкләрдән кош рәсемен җыю”, “Тавышыннан таны”, “Оясы белән тоташтыр” h.б. уеннар куллану отышлы булды.

Ильвинаның туган көне,

Без пешердек ак калач.

Менә шулай ул - биек,

Менә шулай тәбәнәк,

Менә шуның киңлеге,

Менә шуның тарлыгы.

Ак калач, ак калач,

Теләгәнеңне ал да кач.

Без инде хәзер зурлар,

Күп эшли безнең куллар.

Без карлар да көрибез,

Сөенәбез, шатланабыз,

Язны бик яратабыз.

Борын-борын заманнан, 

Болгар белән Казаннан, 

Җаек белән Иделдән

Бу бәйрәм безгә килгән.

Нәүрүз мөбарәк булсын!

Нәүрүз мөбарәк булсын!

Гөрләвектә ак көймәләр

Сикерә-сикерә агалар.

Көн буе шау-гөр киләләр

Су янында балалар.

- Мин кораб йөртүче булам,

Китәм ерак-еракка.

- Мин - капитан,

- Мин - штурман.

- Ә мин -  матрос корабта...

Әнә ята йонлач көчек

Борынын төрткән ул ничек.

Йокламасын, уянсын 

Безнең белән уйнасын.

Исе юк, төсе юк,

Аннан башка тормыш юк.

Көне буе мәш киләбез

Балалар бакчасында.

Кемнәр генә булмыйбыз без:

Сатучы да, алучы да. 

Пешерәбез ашарга,

Ашатабыз курчакны да, аюны да,

Сыйланабыз үзебез дә. 

Җырлыйбыз да, уйныйбыз да,

Бер дә каршы килмибез.

Карап торыгыз, әниләр, 

Җырлый-җырлый биибез.

 Килеп җитте 8 нче Март,

    Әниләр, бу сезнең көнегез.

          Сез үстергән балалардан бүген

      Кайнар котлау кабул итегез!