Хөрмәтле ир-егетләребез!

   Сезне чын күңелебездән Ватанны саклаучылар көне белән котлыйбыз.

Сезгә һәм гаиләләрегезгә тыныч күк йөзе, ныклы сәламәтлек, бәхет, муллык , һәр эшегездә уңышлар телап калабыз.

Сез безнең күңелгә мәңгелек ышаныч!

Сез көчле ,сез батыр,сез—безнең куаныч!

Сез—алтын багана, гаиләдә сез --терәк !

Тынычлык-иминлек сагында сез кирәк ! 

Сезнең тормыш юлыгызда,

Очрамасын киртәләр.

Гел шатлыклар,гел бәхетләр

Алып килсен иртәләр.

18нче февральдә Курсабаш төп мәктәбендә класс сәгатьләре "Батырлык дәресе" исеме астында узды.Укучылар нәрсә ул батырлык соравына җавап эзләделәр.  Тыныч тормыш батырлары: янгын эчендә калганнарны, суга батучыларны коткаручылар, мохтаҗларга ярдәм итүчеләр һәм сугыш кырларында батырлык күрсәтүчеләр турында сөйләштеләр. Фильм карадылар, шигырьләр сөйләделәр.

Батырлык. Бу купшы сүз түгел,

Хәтерләрдән тиз җуела торган.

Мәгънә - асылында, мәңгелеккә

Күңелләргә, җанга уела торган.

Кайсы тауның ташларыннан икән

Батырлыкка һәйкәл куясы?

Чорлар җиле ташларны да уя,

Тик мәңгелек хәтер кыясы!

Батырлык дип күпме сөйләп йөрмик,

Күпме аны күккә күтәрмик,

Ише бармы бөеклекнең солдат

Кылган батырлыкка тиңләрлек?

Бүген , 15 февраль көнне, мәктәп китапханәсендә “Җыры һаман яши”  исемле китапханә дәресе үткәрелде. Китапханәче Аскарова З.Р. укучыларны   Муса Җәлилнең тормыш юлы һәм иҗаты белән таныштырды.

Татар теле һәм әдәбияты укытучысы Зиганшина Р.З. укучылар арасында шигырь бәйгесе уздырды. Алар Муса Җәлилнең шигырьләрен яттан сөйләделәр. Шагыйрь турында презентация карадылар һәм җырларын тыңлап үттеләр. 

 Бүген мәктәбебездә “Россия чаңгы юлы-2016” чарасы булып узды. Әлеге чарада барлык мәктәп укучылары, укытучылары һәм авыл халкы бик теләп катнашты. Көне дә нәкъ менә чаңгыда йөри торган кояшлы, матур иде. Саф һавада чаңгыда йөреп, авыл халкы да, балалар да  сәламәтлекләрен ныгыттылар.

Бүген мәктәбебездә "Парламент дәрес" үтте. Депутат, Курсабаш авыл җирлеге башлыгы, Гимадиев Айзат Рамилевич "Салым.Салым системасы" һәм "Дәүләт символлары" темаларына чыгыш ясады. Укучылар салым системасы турында мәгълүмат алдылар, дәүләт символларын искә төшерделәр. Әлеге дәрес укучылар өчен файдалы булды.

9.02.16 көнне "IT-чемпион" конкурсында җиңүчеләрне Иннополиста тәбрикләделәр. "Иң актив мәктәп" номинациясендә безнең мәктәп телевизор алу өчен сертификат отты. Ә мәктәбебезнең 3 нче сыйныф укучысы Юсупов Наил икенче этапта җиңү яулады һәм смартфон белән бүләкләнде. Афәрин!!!