Бакчабызда "Сәламәтлек атналыгы" башланды. Атналык кысаларында сәламәт тормыш рәвеше алып баруга юнәлдерелгән эшләр планлаштырылды. Һәр атнаның үз темасы бар. Балалар кече яшьтән үк үзләренең сәламәтлекләрен ныгыту һәм саклау өчен даими эш алып барырга тиешлекне аңлату без педагогларның төп бурычы.

Бармаклар ярдәмендә рәсем ясау техникасы - иң кызыклы һәм мавыктыргыч техникаларның берсе булып санала. Кече яшьтәге балалар өчен кисточка һәм карандаш тоту әле авыррак, әмма бармаклар белән рәсем ясау бик яхшы эмоцияләр тудыра. Бармаклар белән рәсем ясауны иң кечкенә яшьтән үк башларга кирәк.

 Балаларны хезмәт тәрбиясенә өйрәтү уңаеннан кечкенә кулларга көрәкләрне алып кар көрәргә әзерләндек.

Бакчабызда балаларның туган көннәрен билгеләп үтү матур күренешкә әйләнеп бара. Балалар туган көн иясен котлап җырлыйлар,бииләр, күмәк туган көн уеннары уйныйлар, матур теләкләр телиләр. Бу чара балаларның дуслыгын ныгыта, бер-берсенә карата дуслык хисе тәрбияли. Ризван белән Азалияның туган көннәре белән котладык.

Максат:Балаларның кыш һәм кышлаучы кошлар турындагы белемнәрен тирәнәйтү һәм рәсем буяу.

Бурычлар :

Үстерү бурычы: Сөйләмдә ясалма һәм кушма сүзләр кулланырга һәм аралашу әдәбенә өйрәтү; бәйләнешле сөйләмне үстерү. Мөстәкыйль фикерләүне үстерү;

Тәрбия бурычы: Кызыксынучанлык ,күзәтүчәнлек, игътибарлык тәрбияләү.

 Белем бирү бурычы: Кошларга сакчыл караш тәрбияләү; табигатьне яратырга, сакларга өйрәтү;

Балалар бакчасында кыш көне саф һавада булу чыныктыру алымы сәламәтләндерунең бер төре булып тора. Кышкы саф һавада баланың организмы ныгый, иммунитеты яхшыра, бактерияләргә каршы торучанлыгы кими. Саф һава, барыннан да элек, организм өчен - кислород, чыныгу өчен - салкын һава, яшәү шатлыгын тою. Балалар саф һавада рәхәтләнеп төрле уеннар уйныйлар.

Китапка кызыксыну уяту, китап дөньясына җәлеп итү, китап белән аралашуга тарту максатыннан, нәниләрне үз яшенә туры килгән матур әдәбият әсәрләре, тәрбияви эчтәлекле китаплар белән таныштыру буенча даими эш алып барабыз. Матур әдәбият белән танышу аркылы бала дөньяның үткәнен, хәзергесен, киләчәген аңлый. Баланы китап белән таныштыру никадәр иртәрәк башланса, аның үсеше шулкадәр уңышлырак була. Нәниләрне китап белән таныштырганда, аның иллюстрациясенә игьтибар итәбез, рәсемне карарга тартабыз, рәсемдәге предметларны атарга, күрсәтергә теләк булдырабыз.
Нәниләр төркемендә тәрбияләнүчеләр әкият китаплары белән танышалар.

Муниципальный фотоконкурс "Новогодняя открытка"
2-е место.

Буген Түбән Утар мәдәният йортында “Хуш киләсең, Яңа ел!” дип исемләнгән бәйрәм кичәсе булды. Балалар Кыш бабай һәм Кар кызына үзләренең өйрәнгән шигырьләрен, биюләрен, җырларын башкардылар. Убырлы карчыкның килүе бәйрәмебезгә тагы да ямь өстәде. Бәйрәм бик күңелле узды.

Бүген Курсабаш мәдәният йортында Яңа ел бәйрәме булып узды. Балалар төрле җәнлекләр булып Кыш бабайга кунакка сәяхәт кылдылар. Юлда Убырлы сынауларын үтеп, җыр-бию, күңелле уеннар аша,ниhаять, Кыш бабай hәм Кар кызы белән очраштылар. Кыш бабай балаларны hәм килгән барлык кунакларны Яна ел белән котлады. Балалар белән күңел ачты, бүләкләрен тапшырды.