Физик тәрбия дәресләренә укучылар бик теләп йөриләр. Бигрәк тә, бүгенге кебек матур, кояшлы көннәрдә чаңгыда шуарга яраталар.

Бүгенге район күләмендә, сәламәтлекләре чикләнгән балалар арасында уздырылган  чаңгы ярышында безнең мәктәптән 9 сыйныф укучылары Юмадилова Альбина һәм Гороховатченко Галина 3 урыннарга лаек булдылар. Җиңүчеләребезне чын күңелдән котлыйбыз!

Бүген мәктәп күләмендә"Хокукларны әкият аша таныйбыз" темасы астында әкиятләрне сәхнәләштерү булды. Укучылар уеннар,җыр-бию , әкиятләр аша үзләренең хокукларын һәм бурычларын белделәр.

Бүген "Һәрбер бала акыллы,сәламәт булып үссен өчен спорт белән дус булырга хокуклы" темасы астында күңелле стартлар уены уздырылды.

Кызыл Мишә авылы сәнгать йорты "Җирдә тынычлык- балалар бәхетле"исеме астында уздырган рәсем конкурсында безнең мәктәп укучылары актив катнашып күп төрле бүләкләргә ия булдылар.

Безнең мәктәптә "Мин -бала,мин-кеше" хокук атналыгы башланып китте. Бүген "Минем хыялым-минем ирекле хокукым" темасына уеннар һәм рәсем конкурсы үткәрелде.

Мәктәптә укучыларның көн тәртибе көндәлек режим  буенча алып барыла.  Дәресләрдән һәм түгәрәкләрдән  соң  балаларга  тәрбиячеләр җитәкчелегендә төрле хәрәкәтчән уеннар оештырыла. Бигрәк тә "Эссе бәрәңге", "Йөзек салыш" уеннарын балалар яратып уйныйлар.

30 январь-Кыш бабай һәм Кар кызы көне буларак безнең мәктәптә дә билгеләп үтелде. Тәрбияче Давлетшина А.Х өлкән группа укучыларына презентация  һәм  мультфильмнар күрсәтте. Аннары Кыш бабай һәм Кар кызы калфагына багышланган рәсем конкурсы уздырылды.

Бүген 9 сыйныф укучылары  көнкүреш хезмәте дәресендә пилмән пешерергә өйрәнделәр. Аш-су осталыгы серләренә аларны укытучылары Ахметзянова А.А. өйрәтә.

Тәрбияче Ахметвалиева Н.Р. югары сыйныф укучылары белән "Изгелек кыл -кошларны кышын ашат" дигән темага тәрбия сәгате уздырды.Соңыннан бергәләп кошларга җимнәр ясадылар һәм  ашлык бөртекләре салып агачларга элделәр.