Бүген укучыларыбыз Бөек Җиңүнең  70 еллыгына багышланган тантаналы митингта катнаштылар. Алар Явлаштау авылында Бөек Ватан сугышында һәлак булганнар һәм тылда көнне-төнгә ялгап эшләгән авылдашларыбыз истәлегенә багышлап куелган  мемориаль такта ачылу тантанасының шаһите булдылар.  Укучыларыбыз һәм укытучылар коллективы  авылдашларыбыз игътибарына үзләренең чыгышларын тәкъдим иттеләр.

 7 нче сыйныф укучылары озак еллар мәктәбебездә укытучы булып эшләгән, сугыш афәтләрен үз башыннан кичергән, чын немец белән күзгә-күз очрашкан, командир дәрәҗәсенә ирешкән Александров Яков Александрович  каберенә венок салдылар һәм аны бер минутлык тынлык белән искә алдылар.

"Филология,история,культура,общество: новый взгляд" дип исемләнгән II республика фәнни-практик конференциядә катнашып, 5 нче сыйныф укучысы Фәхертдинов Нурсил һәм 10 нчы сыйныф укучысы Хафизова Нәргизә (җитәкчеләре: Усманова Ш.Г., Ахметова С.В.) уңышлы чыгыш ясадылар.

Физика фәненнән үткәрелгән "Я познаю мир" дип исемләнгән фәнни-практик конференциядә мәктәбебезнең 8 нче сыйныф укучысы Зарипова Гүзәлия "Уку кабинетларында табигый яктыртылыш" темасы буенча  уңышлы чыгыш ясап, грамота белән бүләкләнде.

Җиңү көненә багышлап районда үткәрелгән "Без горурланабыз" дип исемләнгән рәсем конкурсында 2 нче сыйныф укучысы Галиева Айзилә III  урынга лаек булды.

Бүген мәктәбездә укучылар, укытучылар һәм техник хезмәткәрләр белән берлектә өмә үткәрелде.

Бүген Габдулла Тукай әсәрләренә ясалган иллюстрацияләргә йомгак ясалды.

Укучылар ветеран укытучы Хуҗина Вәсилә Юсуповна катнашында оештыралган "Тукай безнең күңелләрдә" дип исемләнгән чарада катнаштылар. Вәсилә Юсуповна Габдулла Тукайга багышлап язылган шигырьләре белән таныштырды. Укучылар үзләренең ятлаган шигырьләрен сөйләделәр.

Мәктәбебездә татар халкының сөекле шагыйре Габдулла Тукай туган көнгә багышланган чаралар дәвам итә . “Тукай эзләре буйлап” дип исемләнгән әдәби-музыкаль кичә  шагыйребезнең шигырьләре, аның шигырьләренә язылган җырлары белән үрелеп барды. Кичә Габдулла Тукайның "Туган тел" җыры белән тәмамланды.

Бүген мәктәбебездә традиция буенча "Агач утырту" акциясе башланып китте. Башлангыч сыйныф укучылары һәм 6 нчы сыйныфлар мәктәп бакчасына агач һәм куаклар утырттылар.