15 октябрь - Хәтер көне. Шушы уңайдан тарих укытучысы Ярмиева Г.М. 6,7 сыйныф укучылары белән Казан ханлыгы һәм аның алынуы турында эчтәлекле чыгыш ясадылар.

Бүген мәктәбебез директоры Гибадуллин Зөлфәт Фоатович мәгариф хезмәткәрләре спартакиадасында бадминтон ярышларында катнаша. Районыбыз мәгариф хезмәткәрләре командасына ярышта уңышлар телибез.

Балалар иҗат үзәгендә район балалар Думасы составындагы укучылар утырышы һәм педагог- оештыручылар катнашында киңәшмә булып узды. Узган уку елында уздырылган акцияләргә, чараларга нәтиҗә ясалды.

Районыбыз дару үләннәре тапшыру буенча Республика күләмендә II урынга лаек булды. Мәктәбебез укучылары да дару үләннәре җыю акциясендә актив катнашты. Мәктәбебезгә "Рәхмәт хаты" тапшырылды.

Килдебәк урта мәктәбендә оештырылган мини - футбол ярышында катнашып, мәктәбебез укучылары 2 нче урын алып кайттылар ( җитәкчесе - Фазылов Ильнур Ильсурович). Аларга алга таба да зур уңышлар телибез.

Бүген мәктәбебез укытучылары Казан агропромышленность паркында ярминкәдә катнаштылар. Мәктәбебез коллективы шәһәр халкына пешкән ризыклар тәкъдим итте, тәмле коймак һәм чәй белән сыйлады.

Укучыларыбыз күңелле тәнәфесләрне көтеп алалар.

Явлаштау мәдәният йортында "Бәхет иле - балачак" конкурсының зона этабы үтте.

5 октябрь көнне миләш, шомырт, гөлбадран, мелисса, әрем кебек дару үләннәрен алып барып тапшырдык. Укучыларыбыз акциядә бик актив катнашалар.

4 октябрь көнне район мәдәният йортында "Гаилә һәм мәктәп" журналы оештырган "Күркәм гаилә - 2015" республика конкурсының район этабы узды. Явлаштау урта мәктәбеннән Ахметовлар Ринат һәм Светлана гаиләсе чыгыш ясады.  Аларны II урын алулары белән котлыйбыз!!!