Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан»
Визитная карточка
| Адрес: | 422060, Республика Татарстан, Сабинский район, пгт. Богатые Сабы, ул. Г.Закирова, д.54 |
| Телефон: | +7(843)-622-45-85;+7(987)-238-53-82 |
| E-Mail: | Dsad4Cy.Sab@tatar.ru |
| Министерство: | Министерство образования и науки Республики Татарстан |
| Короткое название: | МБДОУ Сабинский детский сад №4 "Кынгырау" |
| Руководитель: | Халитова Флюзия Рафаиловна |
| Год основания учреждения: | 1990 |
| У нас учатся: | 119 |
| У нас учат: | 14 |
Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан» - новости
Страницы: << 181 182 183 184 185 186 ( 187 ) 188 189 190 >>
-
Ачык эшчәнлек 25.02.2016
Бүген уртанчылар төркеме балалары белән тәрбияче Шакурова Рузилә Мидхатовна "Кышкы урманга сәяхәт" темасына интеграль ачык эшчәнлек күрсәтте.Эшчәнлек барышында балалар урманга сәяхәт кылдылар, бездә кышлаучы кошлар белән якыннан танышып, алар турында табышмакларга җавап таптылар, кошлар турында өйрәнгән шигырьләрен сөйләделәр. Интерактив такта ярдәмендә кошларның үзенчәлекләрен билгеләделәр. Күңелсез чыпчыкның кәефен күтәрү өчен күркәләрдән һәм пластилиннан аңа дуслар әвәләделәр.Аларны җимлеккә урнаштырдылар. кыш көне кошларны ашатырга кирәклеген искә төшерделәр. Эшчәнлек бик матур шигырь белән тәмамланды:
Кошларга таш атмагыз, баласын елатмагыз,
Кошлар бит -дусларыбыз, берүк кыерсытмагыз!
Буранлы салкын кышларда, ярдәм итегез кошларга:
Җимлекләр сез ясагыз, шунда ризык салыгыз!
Ә хәзер урамга чыгыйк, чыпчыкларны очырыйк
һәм башка кошларга да, җимлеккә ризык салыйк!
-
"Әкиятләр аланында" 25.02.2016
Бүген 2 кечкенәләр төркеменең әти-әниләре өчен ачык ишекләр көне булды. Тәрбияче Хайриева Гөләрия Тагировна балаларны әкият аланына дәште. Әкиятче әби- тәрбияче Мухаметшина Сиринә Садретдиновна исә, балаларга "Шалкан", "Йомры икмәк", "Теремкәй" әкиятләрен сәхнәләштерергә булышты, балалар үз рольләрен бик теләп һәм бик оста башкардылар. Әкиятләр арасында Гөләрия Тагировна балалар белән "Зәлидә", "Түбәтәем укалы" татар халык уеннарын оештырды. Җырлы-биюле уеннар күңелләрне күтәрде.
-
"ЕЛ ТӘРБИЯЧЕСЕ КОНКУРСЫ НӘТИҖӘЛӘРЕ 25.02.2016
Бүген "Ел тәрбиячесе -2016" конкурсының нәтиҗәләре билгеле булды. Безнең тәрбиячебез Габбасова Ләйсән Равилевна район буенча " Өметле педагог" номинациясендә җиңүче итеп игълан ителде. Ләйсән Равилевнаны бу җиңүе белән чын күңелдән котлыйбыз һәм аңа алдагы тормышында да иҗади уңышлар телибез!
-
Әти-әниләр белән берлектә эшчәнлек 24.02.2016
Бүген 1 кечкенәләр төркеменең әти-әниләр җыелышы булды. Тәрбиячеләр Солтанова Мәдинә Равилевна һәм Хайриева Гөләрия Тагировналар "Сихерләнгән рәсем" темасына ачык эшчәнлек күрсәттеләр. Эшчәнлек барышында Маймыл килеп, балалардан ярдәм сорады, тылсымчы рәсемнәрен сихерләвен әйтте. Маймылга балалар булышырга теләк белдерделәр, тәрбиячеләр ярдәмгә әти-әниләрне дә чакырдылар.Балаларга өлкәннәр белән эшләү бик ошады. Эшчәнлек барышында бармак гимнастикасы, интерактив тактада эшләү бик нәтиҗәле булды.
-
"Әти,әни һәм мин - спорт сөюче гаилә" 24.02.2016
Ачык эшчәнлек караганнан соң ,1 кечкенәләр төркеменең әти-әниләре белән "Әти, әни һәм мин -спорт сөюче гаилә!" исеме астында спорт ярышлары үткәрелде. Уеннарда Исхаковлар, Киорогло, Нургалиевлар һәм Васильевлар гайләләре көч сынаштылар. Уеннар арасында балалар бәйрәмгә өйрәнгән һөнәрләрен күрсәттеләр- җырладылар, биеделәр, шигырьләр сөйләделәр. Бәйрәм күтәренке рухта узды һәм дуслык җиңүе белән тәмамланды.
-
Муса Җәлилнең шигырьләре буенча рәсем конкурсы 20.02.2016
Бөек шагыйребез Муса Җәлилнең шигырьләре белән танышканнан соң, балалар үзләренең уй-кичерешләрен матур рәсемнәрендә чагылдырдылар.
-
23 февраль белән котлыйбыз! 20.02.2016
Хөрмәтле ир-егетләребез,әтиләр, абыйлар,бабайлар! Сезне Ватанны саклаучылар көне белән котлыйбыз.Сезгә озын гомер,нык сәламәтлек, эшләрегездә уңышлар, күңел тынычлыгы телибез.
Ир-ат булса ,хәвеф-хәтәр юк,
Бәлаләрдән калкан кебек каплыйсыз сез.
Балаларның—тынычлыгын ,әниләрнең
Саф ягымлы елмаюын саклыйсыз сез.
Үлем явын куып,туган илебездән,
Тугрылыкны раслый алган гаскәр бит сез.
Киләчәге өчен газиз ,олы йортның
Гомерегезне аямаган затлар сез.
Бәйрәм белән!!!
-
"Аҗаган" уены 20.02.2016
Ватанны саклаучылар көне уңаеннан,балаларда кыю, батыр солдат булу теләге уяту. әтиләре, абыйлары белән горурлану, патриотик хисләр тәрбияләү максатыннан бүген бакчабызда зурлар һәм мәктәпкә әзерлек төркемнәре белән “Аҗаган” хәрби-патриотик уены оештырылды. Балалар, әтиләре белән бергә схема буенча биремнәр язылган пакетны эзләп тапканнан соң, төрле ярышларда көч сынаштылар. “Ил сакчылары”, “Саперлар”, “Артиллеристлар” уеннары аеруча күңелле булды. Бүгенге чара, әти белән бала арасындагы элемтәне ныгытырга, эмоциональ мөнәсәбәт формалаштыруда, балаларның иҗади мөмкинлекләрен үстерүдә ярдәм итте. Катнашкан әтиләребезгә, балаларга һәм бәйрәмне оештыручы тәрбияче Гараева Әлфия Мубаракшовнага рәхмәтебезне җиткерәбез!
-
"Минем мәхәллә мәчете" 19.02.2016
Саба районы Мөхтәсибәте тарафыннан оештырылган "Минем мәхәллә мәчете" рәсем конкурсында актив катнашканы өчен зурлар төркеменнән Дәүләтшин Әмир сертификат белән бүләкләнде. Аңа киләсе конкурсларда уңышлар телибез!
-
"Саба дулкыннары бездә кунакта!" 19.02.2016
Бү атна дәвамында балаларыбызны бөек шагыйребез Муса Җәлилнең тормышы, иҗаты белән таныштырдык. Йомгаклау чарасы итеп зурлар төркеме балалары белән музыка җитәкчесе Алсу Ринатовна, тәрбиячеләр Фәния Фаттаховна һәм Лениза Мисбаховналар әдәби-музыкаль композиция әзерләделәр. Балалар шагыйрьнең шигырьләрен сөйләделәр, көйгә салынганнарын җыр итеп җырладылар, кайберләрен сәхнәләштереп күрсәттеләр. Бу кичәдә "Саба дулкыннары" теле-радио компаниясе вәкилләре дә катнашты. Бәйрәмнең күңелле мизгелләре видеога төшерелде.
