1 нче кечкенәләр төркеме балалары  тэрбияче Гараева Ә. М. белән берлектә физкультура шөгылендә урманга сәяхәткэ бардылар. Аларга елга аша сикерергә, агач астыннан иелеп чыгарга туры килде. Урманга барып җиткәч,  бәскә төренгән агачларга карап сокландылар.“ Мәче һәм тычкан” уенын уйнап күңел ачарга да өлгерделәр.

Мәктәпкә әзерлек төркеме балалары (тәрбияче Шамсутдинова Л.М) әвәләү шөгылендә аквалангистлар булып су асты белән таныштылар, анда булган тереклек ияләрен пластилиннан әвәләделәр. Диңгездә яшәүче тереклек ияләренең исеме җирдә яшәүче хайваннарныкына охшаш икәнен белделәр. Мәсәлән: диңгез керпесе, диңгез аты. Су төбендә дә йолдыз бар икәненә игътибар иттеләр. Балаларга су астында ниләр яшәгәнен, үскәнен өйрәнү бик ошады.

1 кечкенәләр төркеме балалары тәрбияче Хазиева А.Х. белән конструкцияләү шөгылендә көймә ясадылар. Алар башта уенчык көймәләрне суда йөздерделәр, аларны күзәттеләр. Аннары төзү әсбапларыннан көймәне ясадылар. Балалар бик канәгать калдылар.

“Сәламәтлек-зур байлык” девизы астында уртанчылар һәм зурлар төркеме балалары  белән тәрбияче  Гараева Ә.М.    “Күңелле стартлар” уздырды.  “Кем тизрәк”, “Елан кебек йөгерү”, “ Кем күбрәк” һ.б.уеннарда балалар сынатмадылар .Уенда һәр бала үзенең осталыгын , җитезлеген, өлгерлеген күрсәтте. Балалар бик кәнагәть калдылар.

   Инглиз теле шөгылендә зурлар төркеме балалары белән  тәрбияче  Гараева Ә. М.  “ Җиләк- җимеш" темасы буенча  "Кибет“, “ Үз төсеңдәге җимешне тап”, “Серле капчыкта ниләр бар?" кебек уеннар ярдәмендә кабатлау үткәрде.

Уртанчылар төркеме балалары төзү эшчәнлеген хәзер бик яраталар. Бүген тәрбиячеләре  Якупова Галия Гаптелфартовна  белән  төрле геометрик фигуралар ярдәмендә, үрнәк иллюстациядән карап йөк машинасы төзеделәр. Транспортның детальләрен, өлешләрен ачыклап төзелгән йөк машиналары чыннарыннан бер ни белән дә аерылмый иде.

Танып-белү  - математика белем бирү эшчәнлегендә икенче кечкенәләр төркеме балалары (тәрбияче Хайриева Г.Т.) бүген өчпочмак (треугольник) белән танышуны дәвам иттеләр, аны атарга һәм квадрат  белән чагыштырырга өйрәнделәр. Балалар янына уйнарга килгән матрешкалар ярдәмендә күп-аз, бертигез төшенчәләрен кабатладылар, “Үз өеңне  тап” дидактик уены  аша үтелгән материалны ныгытттылар.

Шөгыль күңелле, мавыктыргыч, эчтәлекле, аңлаешлы, һәм дә инде икенче төрлелерәк булсын өчен бөтен фантазияне эшкә җигәбез. Бүген мәктәпкә әзерлек төркеме балалары (тәрбияче Шамсутдинова Л.М) рәсем шөгылендә сихри кышкы урманга сәяхәт иттеләр. Башта картиналар аша кышкы урман, андагы матурлык турында сөйләштеләр. Ә инде аннары үзләренең соклануларын традицион булмаган ысул белән тап төшереп, шуңа коктейль таякчыгы белән өреп, куаклар, агачлар ясап дәвам иттеләр. Пумаланың очы белән миләш агачының җимешләрен ясадылар. Шөгыль барышында композиция төзү күнекмәләре ныгытылды, агачларны озынырак, куакларны кыскарак ясарга кирәклеге аңлатылды. Бу шөгыльдән тәрбияче дә, балалар да кәнагать калдылар.

10 педагогов нашего детского сада приняли участие в III Всероссийском конкурсе, посвященном празднованию Нового года "Новый год шагает по стране!" и были награждены Дипломами I и II степеней. Поздравляем  их и желаем творческих успехов!

За участие во всероссийском конкурсе проектно-исследовательских работ "Радуга знаний" воспитанник 2 младшей группы Фатхриев Аяз и воспитатель Хайриева Г.Т. получили Сертификаты участников, а воспитанница старшей группы Кашапова Зарина, воспитатель Богавеева Г.Ш. и музыкальный руководитель Галимуллина А.Р. Дипломы победителей в номинации "Очумелые ручки". Поздравляем!!!