12 апрельдә илебез космонавтика көнен билгеләп үтә. Бу истәлекле дата алдыннан безнең зурлар төркемдә «Космосның гаҗәеп дөньясы»тематик дәресе узды. Балалар зур кызыксыну белән Космоска юл тоткан беренче кеше — Юрий Гагарин, кешегә кадәр космоска барып җиткән Белка һәм Стрелка этләре турында хикәяләр тыңладылар, космонавтика үсеше башлангычында торган галимнәр, Кояш системасы планеталары, космоска очу турында күп кызыклы мәгълүмат алдылар. Зур рәхәтлек белән геометрик фигуралардан ракета җыялар, оригами техникасында кәгазьдән ракета ясадылар.

Иң кечкенәләрнең беренче кечкенәләр төркемендә тәрбияләнүчеләр белән "Эковесна" акциясе кысаларында ("Тәрәзә төбендә яшелчә бакчасы") суган утырту оештырылды. Балалар суганның үзлекләре белән таныштылар: суган түгәрәк, каты, әче.
Балаларга суганның файдалы яшелчә икәне турында төшенчә бирелде, түгәрәк суганнан яшел кыяк үстереп булуы, аның өчен су сибәргә кирәклеге аңлатылды.

Балаларның сөйләм теле үсеше бармакларның хәрәкәтләре формалашу дәрәҗәсенә бәйле.Бармаклар авыр хәрәкәтләнсә, сөйләм үсеше дә тоткарлана дигән сүз. Режим вакытында уеннар оештырганда игьтибарны төрле бармак уеннарына бирәбез.Чөнки бу уеннар аша балаларыбызның теле тизрәк ачыла,сөйләм телләре яхшыра. Төрле күнегүләр ясап баланың сөйләм үсешенә шартлар тудырырга тырышабыз балалар бакчасында. Баланың күңелен күтәрү өчен, бармакка уенчык киеп,татар милли  такмазалар әйтеп, татар халык җырларын куеп уйныйбыз.Баланың күңеле күтәрелеп китә, кызыксынуы арта һәм фикерләу сәлате дә ачыла.

Чит телләрне өйрәнү - бүгенге заман таләбе. Бакчабызда инглиз теле уртанчылар төркеменнән башлап өйрәнелә. Балалар шөгыль барышында яшелчәләр һәм җиләк-җимешләр темасын өйрәнделәр. Уен аша өйрәнгәндә сабыйлар сүзләрне тизрәк отып ала.

Өмә - ул территорияне җыештыру гына түгел, яхшы кәеф тә, уңай эмоцияләр дә. Бакчабызда язгы экологик өмә узды. Анда барлык хезмәткәрләр катнашты. Өмәне үткәрү өчен территорияне җыештыру буенча чаралар планы төзелде, җаваплы кешеләр беркетелде. Барлык кирәк - яракны алып хезмәткәрләр эшкә чыктылар. Территория тәртипкә китерелде: чүп - чар җыелды, җир тырмаланды,   себерелде, агачлар агартылды.  Кыска вакыт эчендә уртак көч белән бакчабыз территориясе күзгә күренеп үзгәрде.

Сегодня на музыкальном занятие со средней группой разгадывали музыкальные загадки. Развивали интерес и любовь к музыке. Выявили у детей знания о музыкальных инструментах; формировали музыкальный вкус, приобщали детей к миру искусства; развивали эстетическое восприятие и эмоциональную отзывчивость.

Без инде хәзер зурлар,                       
Күп эшли безнең куллар,                    
Без идән дә юабыз,                       
Без керләр дә юабыз, 
Гөлләргә су сибәбез,                    
Суган да утыртабыз,               
Менә шундый уңган без,              
Менә шундый булган без!!!

Балаларны халкыбызның күңел бизәкләре белән якыннан таныштыру, нәфис бизәлешенә соклану, эстетик зәвык аша әхлак тәрбиясе бирү, гореф гадәтләрне саклап калу максатыннан зурлар төркемендә шөгыль үткәрелде. Балалар татар халкының милли бизәкләрен карап кәгазьгә төшерделәр. Яшь буынны халкыбызның рухи мәдәни хәзинәләре нигезендә тәрбияләү, балалар да милли үзаң формалаштыру һәм киң карашлы шәхес тәрбияләү безнең төп бурычыбыз.

"Су - яшәү чыганагы" тематик атналыгынды уртанчылар төркеме балалары рәсем шөгылендә су образын рәсемдә тапшырырга өйрәнделәр. Төп табигый ресурс буларак суга сакчыл караш тәрбияләнде.

Атналык тема кысаларында балаларны су, аның үзлекләре белән таныштыру максатыннан, 2нче кечкенәләр төркеме балалары белән тәҗрибәләр үткәрдек.Тәҗрибәләр үткәреп карау аша балаларның мөстәкыйль фикер йортүләре,уйлау,хәтердә калдыру сәләте,тирә- юньне кузаллаулары киңәя.