Бездә бүген үткән матур чара  бакчабыз тормышын тагы да ямьләндереп җибәрде. Безгә  Сабаның сәләтле балалар мәктәп-интернатыннан фокусчылар килеп, төрле, кызыклы тәҗрибәләр күрсәттеләр. Укытучылары Кутдусова Диләрә Фанисовна җитәкчелегендәге балалар бер-бер артлы кызыклы, мавыктыргыч фокуслар-тәҗрибәләр үткәрделәр. Балалар яшенне дә, кояш нурларының кисешүен дә, "уттагы елан чыгуын да" бик кызыксынып, шаккатып күзәттеләр. Укучылар бик оста булып чыкты һәм балаларның:   "Ничек күрсәтәсез аларны, ничек була ул?" - дигән сорауларына "Мәктәпкә килгәч, физика укысагыз, белерсез!" - дип бик төпле җавап кайтарды алар. Килгән кунакларга бик зур рәхмәт һәм киләчәктә дә яңа тамашалар белән аларны үзебездә көтеп калабыз.

Балаларда әхлакый сыйфатлар, әти-әниләргә хөрмәт тәрбияләү, балаларның гаиләдәге хокуклары турындагы белемнәрен ныгыту, аларның ялга, уенга, белем алуга, медицина ярдәме алуга хокуклы булуларын аңлату, балаларга дус булырга кирәклеген төшендерү, аларда дуслык, әхлаклылык хисләре тәрбияләү, кеше бер-берсе белән нинди милләттән булуына карамастан, туганнарча аралашып яшәүгә хокуклы булу төшенчәсен бирү, бар кеше дә яхшы тормышка хокуклы, җирдәге тынычлык кешеләрнең үзләреннән тора, бар халыклар да аңлашып, ирекле, тигез хокуклы булып, бер-берсе белән дус булып, аралашып яшәргә тиеш төшенчәләрен аңлауларына ирешү максатыннан 10-14 ноябрь көннәрендә “Безнең хокукларыбыз” атналыгы үткәрелде. Атна темасы һәр эшәчнлектә киң чагылыш тапты. Икенче кечкенәләр төркеме балалары белән тәрбияче Гайфуллина Дания Әминовна "Безнең тату гаилә" темасына интегральләштергән ачык шөгыль күрсәтте. Фоторәсемнәр ярдәмендә балалар үзләренең гаиләләре белән таныштырдылар. Бергә-бергә ял итүләре, башкарган эшләре, спорт белән шогыльләнүләре, әти-әниләренең үзләре турында кайгыртулары турында сөйләделәр, шигрьи юллар, җыр аша җиткерделәр. Яраткан әти-әниләренә матур бүләк әзерләделәр.

8 нче ноябрь көнне мәгариф хезмәткәрләре район профсоюз комитетының отчет - сайлау конференциясендә беренчел профсоюз комитетларының газеталарына конкурс игълан ителгән иде. Әлеге конкурста безнең иҗади эшебез мәгариф учрежденияләре арасында II урынны яулады һәм акчалата премия белән бүләкләнде.

Что такое профсоюз, знает каждый,

За кого постоял он однажды.

С кем он в радости был, был и в горе

И помог разрешить проблем море.

Что такое профсоюз - это повесть,

Наши будни, наша жизнь, наша совесть.

И в нём зависти нет и нет фальши,

С ним мы жили и жить будем дальше.

8 нче ноябрь көнне мәгариф хезмәткәрләренең район профсоюз комитетының отчет-сайлау конференциясе булып узды. Конференциядә Саба Башкарма комитеты җитәкчесе Гасимов Равил Мөбәрәк улы,  Саба Мәгариф идарәсе начальнигы Шакиров Ильфат Фоат улы һәм Татарстан республикасының Профсоюз комитеты рәисе Прохоров Юрий Петрович чыгыш ясап, район комитет эшчәнлегенә бәя бирделәр.

Конференциядә безнең бакчадан мөдиребез Миләүшә Корбангалиевна, профсоюз  членнары - Нурисламова Миләүшә Фәрит кызы, Вафина Лилия Ильфир кызы катнаштылар. Җыелышта мәгариф бүлеге профсоюз рәисе Гузялова Гөлнәзирә Мөдәрис кызы 2009-2014 еллардагы район профсоюз комитеты эшенә нәтиҗә ясады, ревизия комиссиясе һәм профком рәисләре үз чыгышларында  комитет эшчәнлекләренә бәя бирделәр. 

Тантаналы өлештә, бакча мөдире Исрафилова Миләүшә Корбангали кызына  социаль хезмәттәшлек алып баруда югары эффектларга ирешеп эшләгәне өчен Ю.П.Прохоров Мактау грамотасы тапшырды.Шулай ук, тантанада 15 елдан артык безнең "Шатлык" балалар бакчасында профком рәисе булып эшләгән Нурисламова Миләүшә Фәрит кызын, профсоюз эшен актив рәвештә уңышлы алып барганы өчен Татарстанның Профсоюз Федерациясенең рәисе Т.П. Водопьянова тарафыннан бирелгән Мактау грамотасы белән бүләкләделәр.

Каникул көннәрендә балаларның тормышы кызыклы, файдалы чаралар белән аралашып алып барыла. Бүген уртанчылар төркеме балалары тәрбияче Хуснулина Гүзәл Габделхаевна җитәкчелегендә рус халыкының киң танылган "Йомры икмәк" әкиятен сәхнәләштереп икенче кечкенәләр, зурлар, мәктәпкә әзерлек төркеме балаларына тәкъдим иттеләр. Кечкенә булуларына карамастан балаларның рольгә кереп, әкият геройларының образларын тулысынча чагылдырып уйнаулары тамашачыларны сокландарды. Йомры икмәкнең җитез булуын әби, бабай, куян, аюларга җыр башкарып тиз генә тәгәрәп китүен, шулай да хәйләкәр төлкенең тозагыннан качып котыла алмавын билеләп үтте балалар.