Бүген "Дуслык" лагереның унсигезенче көне булып узды. Иртәбез һәрвакыттагыча иртәнге линейка, физзарядка белән башланып китте. Иртәнге аштан соң,  Югары Симет урта мәктәбе укучылары безгә кунакка килделәр. Дусларча очрашу бик җылы үтте. Малайлар үзара футбол ярышында көч сынашсалар, кызлар туплы уеннарга өстенлек бирделәр. Ярышлар тәмамлангач, "Пожар куркынычсызлыгы, хезмәт иминлеге (охрана труда)" турында сөйләшү булып узды.  Бүгенге көнебез "Куркынычсызлык кагыйдәләре" темасына багышланган иде. Әлеге көнебез файдалы, кызыклы булып узып китте.