Бүген безнең балалар бакчасында ата-аналар җыелышы булып узды. Бакчабыз мөдире Рузия Шайхлсламовна, эти-энилэрне яңа уку елына куелган максатлар һәм бурычлар белән таныштырды . "Финанс мошенниклары" темасына чыгыш ясалды, сак булырга әйтелде.

 Балалар белән  табигатҗтәге көз фасылы һәм андагы үзгәрешләрне күзәтү. Аның  матурлыгын  күрә белү һәм соклану  хисләре тәрбияләү. Бакчабыз янында үсүче агачларны яфракларыннан тану.

Бездә кунакта Икшермә янгын сүндерү бүлекчәсе җитәкчесе Сәләхиев Фәнис Фәиз улы кунакта булды. Ул балаларны янгын сүндерү һөнәре белән таныштырды, куркынычсызлык кагыйдәләрен искә төшерде. Балаларны кызыксындырган сорауларга җавап бирде.

Олылар төркемендә кисеп - ябыштыру эшчәнлеге. Алар көзнең алтынсу яфракларын ясап, кисеп ябыштырып, матур келәм ясадылар.

Бакчабызда балалар саф һавада рәсем сәнгате белән шөгыльләнделәр. Алар пленкага гуашь ярдәмендә төрле рәсемнәр ясадылар.  Мондый ысул белән эшләү балаларга бик ошады.

Бакчабыз тирәли күп төрле чәчәкләр утырттык, аларга су сибәргә, чүпләрен утарга апаларыбызга ярдәм иттек. Һәр көн бакчабызда шушы матурлыкны күреп  сөенеп хәм сокланып йөрибез.

 Бүген бакчабызда шаулап-гөрләп "Хуш бакчабыз!" дип исемләнгән чыгарылыш балаларына бәйрәм булды. Ак юллар сезгә балалар! Укуларыгызда уңышлар, сәламәтлек, ак бәхектләр телибез. 

Сабан туе хезмәт туе, 

Бәхет һәм шатлык туе.