Бүген, 17 нче март көнне, 4 нче сыйныфта әти-әниләр җыелышы булды. “Балаларның сәламәтлеген кайгырту төп бурыч” темасына сыйныф җитәкчесе чыгыш ясады.

Җыелышта 3 нче чиреккә нәтиҗә, сыйныфтагы тәртипкә, йөрешкә, чисталыкка анализ ясалды. Ирешелгән уңышлар турында әйтелде. Каникул вакытында куркынычсызлык кагыйдәләре белән таныштыру булды.

Бүген, 14 нче март көнне, 3 нче сыйныфта "Баланы фикерләргә өйрәтү" темасы астында әти-әниләр җыелышы үтте. 

Җыелышта 3 нче чиреккә прогноз, ирешелгән уңышлар, бетерәсе эшләр турында әйтелде. Язгы чорда куркынычсызлык кагыйдәләрен үтәү мәсьәләләре тикшерелде.

Мәктәбебездә тимурчылык хәрәкәте дәвам итә. 6 нчы сыйныф укучылары Мөршидә әбигә һәрчак булышып торалар.

11 нче март көнне, Балык Бистәсе 1 нче гимназиясендә Г.Тукай исемендәге Бөтенрәсәй бәйгесенең сайлап алу туры узды. Бу бәйгедә безнең мәктәптән 5 укучы катнашты. Хабибуллина Энҗе - 1 нче урын, Галимова Айсылу - 2 урын яулады, ә 2 нче сыйныф укучысы Хабибуллина Зәринә республика күләмендә үтәчәк бәйгедә үзенең көчен сынаячак. Аңа уңышлар теләп калабыз!

Бүген мәктәбебездә дәресләрдән сон югары сыйныф егетләре һәм кызлары катнашында ватанны саклаучылар һәм халкыара хатын-кызлар көненә багышланган ярыш булып узды. Укучылар 2 команда булып, егетләргә каршы кызлар көч сынаштылар, гадел хөкемдарлар аларны тиешенчә бәяләп барды, нәтиҗәдә узебез дэ көтмәгәнчә, дуслык җиңде! Кичәне әзерләгәне, оештырганы һәм алып барганы өчен мәктәбебездэ практика үтүче кызыбыз Хоснуллина Гөлчәчәк Нурислам кызына зур рәхмәтләребезне ирештерәбез! 

15 нче февральдә Казанның Идел буе физкультура, спорт һәм туризм академиясендә региональ фәнни - тикшеренү олимпиадасы - "ФИЛИН" уздырылды. 11 нче сыйныф укучысы Сафиуллин Ислам (җитәкчесе - биология укытучысы Бәдретдинов Г.Ә) бу чарада "Авылыбыз сулыкларының экологик торышы" темасына чыгыш ясады һәм махсус приз белән дипломга лаек булды.

Хөрмәтле гүзәл затларыбыз!

Көннең яктылыгы кояшта, күкнең матурлыгы йолдызларда, җир йөзенең гүзәллеге хатын-кызларда. Сезне шул җир йөзен бизәгән халыкара хатын-кызлар көне белән тәбриклибез!

Шушы бәйрәм көне, елмаеп баккан кояш матурлыгын, табигатьнең самимилеген өстәп, күңелегезгә шатлык, тәнегезгә сихәтлек, өегезгә иминлек алып килсен.

Бүген хезмәттәшебез Шәймәрданова Нүрсинә Фәрзетдин кызының гомер бәйрәме – 55 яшьлек юбилее. Нүрсинә Фәрзетдиновна, сезне чын күңелебездән туган көнең белән котлыйбыз! Сиңа җир йөзендәге иң изге теләкләргә кушып, саулык, бәхет, куанычлар, якты ал таңнар, чәчкәләр белән үрелеп барган тигез, сикәлтәсез гомер юлы теләп калабыз!

Гомерләрнең кадерен белеп кенә,

Яшә әле җирдә куанып.

Сәламәт бул, борчу – хәсрәт күрмә,

Тормышларың торсын нурланып.

55 яшь ул әллә ни күп түгел,

Тырыш, әйдә, йөзгә җитәргә.

Язсын йөзгә җитеп, шатлык белән,

Бергә – бергә гомер итәргә. 

Буген мәктәптә, 6, 8, 10 нчы сыйныф укучылары инглиз теле, физика һәм химия фэннэреннэн тест эшләделәр.

27 нче февраль мәктәптә “Сумка” һәм “Яшә китап” операөиясе узды. Библиотекарь  Бәдретдинова Н.Г “ Таң йолдызы” укучылар оешмасының рәисе 7 нче сыйныф укучысы  Галимова Айсылу белән берлектә һәр сыйныфта укучыларның  сумкасы һәм  китапларның торышы  тикшерелде.Булган кимчелекләр сыйныф җитәкчеләренә һәм чисталык секторларына җиткерелде.