Әйе, әйе! Без бу кенне Йолдыз белән якыннан аралаштык! Чөнки безгә кунакка, балалар язучысы, Татарстан республикасының атказанган сәнгать эшлеклесе, Татарстан язучылар берлеге әгъзасы, А.Алиш исемендәге премия лауреаты - Йолдыз Шарапова узе килгән иде. Очрашу "Ана теле" атналыгы декадысына туры клгәнлектән, балалар үз телебездә шигырьләр сөйләп, матур җырлар җырладылар. Әлбәттә, авторның да бик матур, кызыклы шигырьләре балалар тарафыннан яңгырады. Йолдыз апа үзенең шигырь җыентыкларын тәгъдим итте. Бакча китапханәсендә шундый өчтәлекле һәм кызыклы китаплар булдыруыбыз белән, тәрбиячеләр дә, балалар да бик шатланды. Кичә барчабызның да күңеленә хуш килде. Мондый очрашулар еш булса иде,- дигән теләкләр белән хушлаштык!!!

Менә Яңа еллар да узып китте. Ләкин, безнең бакчада бәйрәм рухы январь аена да калган иде әле. Чөнки Яңа ел хөрмәтенә әзерләгән,тәбигый материаллардан ясалган күргәзмә әсабларның иң матурларына - мактау кәгазъе белән баллы бүләкләр тапшырылды. Балаларның шат һәм куанычлы йөзләре күңел ачу чарасын тагын да ямьләндерде. Күргәзмә әсабларны ясауда, балаларрына булышкан ата- аналарга, бакча тәрбиячеләренә бик зур рәхмәтебезне белдерәбез!

9 декабрь "Халыкара коррупциягә каршы" кене буларак игьлан ителгән иде. Шул исәптән, безнең бакча хезиәткәрләре арасында да ,"Мин коррупциягә каршы!" лозуныгы астында, җыелыш булып узды.

Бүген бакча тәрбиячеләре бирелгән вазыйфаларына туры килүне раслаучы тест биремнәрен (СЗД) үттеләр. Коммисиядә бакча мөдире Валеева Ф.Т һәм 1 категорияле тәрбияче Хайруллина Г.Ф иделәр. Тәрбиячеләр:  Эльнара.Рахимзяновна, Рузилә Рафисовна һәм  Наилә Илдаровнага алдагы эшләрендә тагыда зур уңышларга ирешүләрен теләп калабыз.

Октябрьнең көннәре салкын булса да- безнең бакчабызда бик җылы булды. Чөнки бакчабыз быел да - ягымлы, назлы, олы йөрәкле өлкәннәрне каршы алды. Бәйрәмгә балаларыбызның әби - бабалары килгән иде. Алар балалар тарафыннан әзерләнгән концерт номерларын гына карап калмадылар, ә үзләре дә кушылып җырладылар, биеделәр, төрле күңелле конкурсларда катнаштылар. Җылы аралашу - чәй табыны артында дәвам итте.