Балалар бакчасында традицион бәйрәм-Сабантуй узды. Сабантуйга бүләк җыюның борынгы йоласын да искә төшердек.Сабантуй алдыннан бер төркем егетләр һәм кызлар ярышларда җиңүчеләргә бүләк җыйганнар иде. Балалар барлык милли ярышларда һәм уеннарда актив катнаштылар: йомырка белән йөгерделәр, мендәрләр белән көрәштеләр, аркан тартыштылар, көянтәләргә чиләкләп су ташыдылар, атларга атланып күңелле чабыштылар һәм биеделәр. Уеннар һәм конкурслар дәртле музыка белән үрелеп барды. Балалар үзләренең көчләрен, җитезлекләрен һәм зирәклекләрен күрсәттеләр һәм, әлбәттә инде, бүләкләр алдылар. Сабантуй күңелле һәм дәртле үтте! Бәйрәм азагында барысын да татлы сюрприз көтә иде.