Электронное образование Республики Татарстан

Балалар һәм ата - аналар арасындагы мөнәсәбәтләрне ныгыту, шатлыклы һәм уңай кәеф булдыру максатыннан балалар бакчасында урта яшьтәге балалар төркемендә Әниләр көненә багышланган "Ягез әле, әниләр!" бәйгесе оештырылды. Бәйрәмдә иң чибәр, иң кыю, иң җитез һәм иң оста әниләр һәм аларның искиткеч балалары катнашты. Бәйрәм барышында балалар әниләр өчен җырлар һәм күңелгә үтеп керерлек шигырьләр укыдылар, әниләр белән бергә күңелле уеннарда катнаштылар. Барысы да зур күтәренке рух һәм яхшы кәеф алды. Бәйрәм белән сезне, әниләр! Игелекле йөрәгегез, кайгыртучанлыгыгыз һәм күңел җылыгыз өчен рәхмәт.

Әниләр көне алдыннан балалар бакчасында «Әнием турында сөйлим сезгә »дип исемләнгән шигырь укучылар конкурсы үткәрелде. Тәрбияләнүчеләр күңелгә үтеп керерлек шигырьләр әзерләделәр, аларда әнидә булган мәхәббәт, аның кайгыртуы һәм җылысы турында сөйләделәр. Һәр бала үзенең сөйләмендә ,тормышының иң мөһим кешесе турында бөтен ихласлыгын һәм назын салды.

Конкурста катнашучылар дипломнар һәм бүләкләр белән бүләкләнделәр. Барлык катнашучыларга иҗаты һәм кыюлык өчен, шулай ук ата-аналарга ярдәмнәре өчен рәхмәтебезне җиткерәбез

«Р» хәрефе безнең балалар бакчасына кунакка килде һәм чын бәйрәм ясады! Балалар белән бергә ул аваз һәм хәрефләрнең тылсымлы дөньясы буйлап сәяхәткә чыкты,анда һәр бала үз сәләтләрен һәм осталыкларын ачып бирә алды.

Балалар төрледән-төрле биремнәр башкардылар: табышмаклар чиштеләр, р авазын сүзләрдә танып аердылар, сүзләрне иҗекләргә бүлделәр, р авазының сүздәге позициясен билгеләделәр, иҗекләр төзеделәр һәм укыдылар. Әлеге чара тавыш әйтелешен, фонематик процессларны үстерүгә, грамотага өйрәтүгә юнәлдерелгән иде, бәйрәм кызыклы һәм мавыктыргыч узды. Бәйрәмнән соң балаларны сюрприз - бүләкләр көтте!