Фома  урта мәктәбендә үткәрелгән кичә “ Әниләр,мәрхәмәтле безнең әниләр!” дип аталды.  Тормышыбызга ямь бирүче иң шәфкатьле, иң мәрхәмәтле газиз кешеләребез- әниләр.  Әниләребез безне  сулышлары белән җылыта, назлары белән иркәли, гомерләре буе безнең  өчен сызлана. Балалары чын кеше булып үссә, чиксез горурлана.   Ә бездә   балалары, оныклары өчен горурланырлык   әниләр,зур әниләр бик күп. Кичәгә нәкъ шундый   әниләр, зур әниләр( әбиләр) чакырылды да .  Сәхнә түренә иң беренче булып   фән олимпиадаларында җиңү яулаган укучыларның зур әниләре күтәрелде. Алар бездә -унберәү.  Яшь  буынга белем һәм тәрбия  бирүдә  үзләреннән зур өлеш керткән, тормыш тәҗрибәләрен оныклары белән уртаклашкан  әбиләргә  уку-укыту буенча директор ярдәмчесе Лилия Йосыф кызы рәхмәтен җиткерде.  Әлеге чарада шулай ук Татарстан президенты Рөстәм Минеханов инициативасы белән үткәрелгән  “ Туган   мәктәбеңә булыш “акциясенә  катнашучылар һәм аларның әниләре дә  килү  бәйрәмдә нур өстенә нур кебек булды. Алар- Садретдинова Разия Идрис кызы, Каримова Асия , Шарапова Гамбәр, Сафиуллина Амалия, Шайхетдинова Зәйтүнә, Гыйззәтуллина Хәлимә,Каняфина Зәйтүнә, Газизова Сания, Гафурова Сәлимә апалар. Мәктәп директоры  бу  әниләрне зур йөрәкле, киң күңелле,  шундый игелекле балалар үстерүләре  белән  горурлана алулары хакында шатланып  сөйләде  һәм һәркайсына истәлекле бүләкләр  тапшырды. Укучылар әниләрен  ничек яратуларын  моңлы җырлары, дәртле  биюләре, шаян сүзләре белән  ирештерделәр. Садретдинова Рузилә башкарган “Әнием бар шул минем “ җыры бик күпләрнең күңелен йомшартты. Кичә Гафурова Сәлимә апаның үзе иҗат иткән “Балалар дип яшим” исемле шигырен тыңлау белән тәмамланды. Аналар булмаса, кешелек яшәүдән туктар иде. 

                                                                                    Сафиуллина Р.Д.  Фома урта мәктәбе укытучысы.

Фома урта мәктәбендә  гаилә тәрбиясенең бала тормышында тоткан ролен  ачыклау, мәктәп- гаилә элемтәләрен ныгыту, әтиләрне дә балаларга белем һәм тәрбия бирүдә  активлаштыру максатыннан , “ Әтиләр белән көчле без” исемле әтиләр конференциясе булды.

    “Кадак даганы саклый, дага юрганы саклый, батыр Ватанны саклый”,- ди халкыбыз. Ир-ат җәмәгате – гайрәтле, гыйлемле, тәвәккәл зат. Ходай аларга зур бурычлар йөкли. Имам, пәйгамбәр, дин эшлеклеләре, ил башлыклары фәкать шушы заттан. Никахларны, балага исем кушуны да фәкать алар гына укырга тиеш. Җирдәге тынычлыкны, Ватанны саклаучылар да - алар.

15нче февраль көнне мәктәптә , патриотик айлык кысаларында, Герой- шагырь Муса Җәлилне искә алу кичәсе  булды.Чарада 5-8 сыйныф укучылары катнашты. “Үлгәннән соң яшәү” исемле радиотапшыру  укучыларда зур кызыксыну тудырды. Чарада катнашкан укучылар һәркайсы  Туган илебезне Җәлил кебек яратырга, аңа тугрылыклы булырга тиешлегенә төшенде.

Узган атнада күренекле мәгърифәтче, галим Ибраһим Хәлфин истәлегенә багышланган IX Республика фәнни-эзләнү укучылар конференциясендә катнашып кайттык. Укытучым  Г.Д.Әһлиуллина җитәкчелегендә бәйгегә әзерләнгәндә, мин үзем өчен күп яңалык ачтым. 

Гөлшат Гайсина, 5 нче сыйныф укучысы.

В МБОУ « Фомкинская СОШ» с 27.01. по 01.02.2014г. проходила Неделя информатики.

Цель предметной недели: повысить интерес учащихся к изучению предмета.

Задачи предметной недели: расширение кругозора, творческих способностей школьников, обогатить кругозор и интеллект учащихся дополнительными знаниями; выявление творчески одаренных учащихся в области применения компьютерных приложений; формирование прочных пользовательских навыков у учащихся; воспитание дружного и сплоченного коллектива в ходе проведения недели информатики.