Бу көнне лицейда атналык кысаларында укучылар һәм укытучылар бер - берсенә матур теләкләр, сүзләр  әйтештеләр.Көн башында алган матур хисләр көне буена җитәрлек  яхшы кәеф бирде.

Айлык кысаларында укучылар арасында автомат сүтеп - җыю бәйгесе уздырылды.

Лицейда рус теле һәм әдәбияты атналыгы башланды. Укытучы Аймалиева Э.Т. кызы 2 -5 сыйныф укучылары өчет "Әкиятләр иленә Сәяхәт" исемле" чара уздырды. Чарада татар һәм  рус халык әкиятләре буенча сәяхәтләр ясалды,командалар арасында төрле ярышлар уздырылды. 

Бүген барлык укучылар һәм укытучылар коллективы чаңгыга басты. Иң җитезләргә грамоталар тапшырылды, барлык катнашучылар кайнар чәй һәм тәмле күмәч белән сыйланды.

Айлык кысаларында 3-7 нче сыйныф укучылары  арасында пионербол ярышы уздырылды.1 нче урында - 6 нчы сыйныф,2нче урында  - 5 нче сыйныф, 3 нче урында - 3-4 нче сыйныф укучылары. Молодцы.Барлык җиңүче сыйныфларга грамоталар тапшырылды.

Бүген лицейда депутат Вафин Р.С. катнашында өлкән укучылар өчен Парламент дәресе уздырылды.

10 нчы сыйныф укучысы Халиуллина Д. районкүләм "Замечательный вожатый" бәйгесендә катнашып, җиңү яулады. Аны зур җиңүе белән котлыйбыз!

Айлык кысаларында лицейда шашка һәм шахмат ярышлары старт алды.Һәр көнне иң зирәкләр,иң җитезләр җиңү яулыйлар.

Бүген лицейда айлык кысаларында Олимпия уеннарының ачылу тантанасы уздырылды.Айлыкның байрагын күтәрү хокукы 1 нче сыйныф укучыларына бирелде,ә Олимпия утын 11 нче сыйныф укучысы Шакирова З.А кабызды.

Лицейда елдагыча традицион Студентлар белән очрашу кичәсе уздырылды.Кичәгә мәктәпне тәмамлап,төрле югары уку йортларында белем алучы студентлар чакырылды.Өлкән укучылар берлеге җитәкчесе Шакирова З.А. һәм аның ярдәмчесе Тушнинский А.Н. кичәне максатчан, файдалы һәм кызыклы  итеп  уздырдылар.Укучылар студентлар белән рәхәтләнеп аралаштылар, үзләрен кызыксындырган күп кенә сорауларга җаваплар алдылар.