8 март - Халыкара хатын-кызлар көне уңаеннан 8, 10 сыйныф укучылары "Аучы Мәргән һәм Болан кызы" дип исемләнгән җырлы-биюле музыкаль кичә күрсәттеләр.

Сегодня наши ученики (Нуретдинов Р., Аюпов И., Буланова А., Шайдуллина Р.) приняли участие во II (региональный) этапе Зимнего фестиваля ВСФК "ГТО". Были проведены соревнования по плаванию, стрельбе, подтягиванию, отжиманию, наклону вперед стоя, подниманию туловища из положения лежа на спине и прыжкам в длину с места. Наши спортсмены выступили достойно! Молодцы!

Бүген Кызыл Чишмә "Алмаш" спорт-комплексында авыл мәктәпләре арасында укучыларның районкүләм чаңгы ярышлары узды. Безнең мәктәп данын якларга Нуретдинов Р. , Шайдуллина Р. (11 сыйныф), Аюпов И. ( 8 сыйныф) һәм Буланова А. (9 сыйныф) барды. Шәхси беренчелектә Буланова А. - 2 урын, ә кызлар командасы урта мәктәпләр арасында 3 урынны алды. Афәрин, укучылар!

"Доброе сердце - добрые дела" отряды волонтерлары үз эшчәнлекләрен дәвам итеп бүген кабат ялгыз яшәүче, өлкән яшьтәге әби-бабайларның хәлләрен белешеп, капка төпләрен кардан чистарттылар.

Бүген башлангыч сыйныфлар өчен тәрбия сәгате "Хайваннарда котыру чире һәм аны кисәтү" темасы астында үтте. Сыйныф җитәкчеләре презентация ярдәмендә укучыларны хайваннарда котыру чиренең билгеләре, профилактикасы белән таныштырдылар.

Бүген 1 сыйныфта "Бөтенрәсәй тыюлык дәрес"е үтте. Сыйныф җитәкчесе укучыларны милли-төбәк компоненты буларак "Түбән Кама милли парк"ы белән таныштырды.

Бүген хәрби-патриотик тәрбия бирү айлыгын йомгаклап 5 -11 сыйныф укучылары арасында "Аҗаган" (Зарница") хәрби-спорт уены үткәрелде. "Кызыллар" һәм "Яшелләр" командалары бер-берсе белән мина эзләүдә, граната атуда, учак ягып савытта кар эретүдә, бау тартышуда, яралыларны эвакуацияләүдә һәм карта буенча байрак эзләүдә үзләренең көчләрен сынадылар.

23 февраль - Ватанны саклаучылар көне уңаеннан 2-4 сыйныф укучылары бәйрәм концерты күрсәтеп мәктәптә укучы малайларны һәм укытучы ир-егетләрне котладылар.

21 февраль - Халыкара туган тел көне уңаеннан бүгенге иртә Туган тел көненә багышланган кичә белән башланып китте. Бәйрәм барышында туган телебездә җырлар, шигырьләр яңгырады, 5 сыйныф кызлары катнашында татар халкының "Әпипә" биюе күрсәтелде , ә 6 сыйныф малайлары тел турында скетч куйдылар. Кичә сөекле шагыйребез Г.Тукайның  гимнга әйләнгән, барыбыз да яратып җырлый торган "Туган тел"е белән төгәлләнде. 

11 сыйныф укучысы Нафиков Илгиз Мәскәүдән зур җиңүләр белән кайтты. Ул 60 кг га кадәрге үлчәүдә 18 яшькә хәтле юниорлар арасында армрестлинг буенча абсолют РОССИЯ ЧЕМПИОНЫ булды. Аны алда кул көрәше буенча Европа һәм дөнья чемпионатлары көтә. Аңа зур уңышлар теләп калабыз!