Весь сентябрь 2017 будет посвящен празднованию юбилея химкомбината. Классные руководители 1-11 классов  уже провели познавательные и интересные  классные часы, посвящённые 50 летию НКНХ. Были  приглашены родители - передовиков производства. А в кабинете химии 7 в класс рассматривали разные виды каучуков.

1 сентябрь - Белем бәйрәме булып узды. Матур итеп киенгән, бер кулында — портфель, икенчесендә — чәчәкләр тоткан 1-11 сыйныф укучыларына җыр, бию, театральләшкән өзек кергән бай эчтәлекле сценарий әзерләнгән иде. Бәйрәмнең матур һәм истә калырлык мизгелләре - тынычлык символы - күгәрченнәр җибәрү һәм гимназиянең юбилеена багышлап, 25 санын күккә очыру булды. Линейка ахырында, гадәттәгечә, беренче кыңгырау чыңы яңгырады. Тантана һәркемнең күңеленә хуш килде, ел буена җитәрлек көч һәм энергия бирде.

29 нчы август милли мәгариф директор урынбасарларының август киңәшмәсе узды. Узган уку елы нәтиҗәләренә йомгак ясалды һәм яңа уку елында милли мәгариф алдында торган план һәм  бурычлар белән таныштырылды.

29 нчы августның яңгырлы иртәсе гимназия укучылары өчен сынау җыены (пробный сбор) белән башланып китте. Көн кояшлы һәм көләч булмаса да, яраткан укытучыларын һәм сыйныфташларын сагынып бик күп балалар килгән иде. Сынау җыенында 1нче  сентябрьнең кайда һәм сәгать ничәдә үткәреләчәге хәбәр ителде. Белем бәйрәме - 1 нче сентябрь сәгать 10.00 башланып китәчәк. Һава торышы яңгырлы  яки башка үзгәрешләр булса, алдан хәбәр ителәчәк!

Республика күләмендә "Мәктәпкә җыенырга булыш!" хәйрия акциясе бара. Бу акциянең төп максаты - авыр хәлле, күп балалы гаиләләргә, инвалид балаларга ярдәм күрсәтү. Хәйрия акциясенә безнең гимназия коллективы укытучылары һәм укучылары да битараф калмады. Хәйрия акциясендә җыелган мәктәп кирәк-яракларын 1 нче сыйныфка керүче укучыларга һәм авыр хәлле гаиләдән булган балаларга өләшү күздә тотыла. Бу изге чарада барыбыз да актив катнашыйк!

24 нче август көнне мәгариф хезмәткәрләренең традицион август конференциясе узды. Ул «Дәүләт белем бирү стандартларының базис компоненты буларак әхлакый һәм этнокультур тәрбия: яңа эчтәлек, технологияләр, идарә итү карарлары» дигән темага багышланды. Белем һәм тәрбия бирү өлкәсендә уңышлары өчен гимназиябезнең укыту эшләре буенча директор урынбасары Кинзябулатова Энҗе Илдус кызы һәм татар теле һәм әдәбияты укытучысы  Хаҗиева Зилия Гали  кызына Татарстан Республикасы, Россия Федерациясе бүләкләре тапшырылды.

29 нчы август көнне сәгать 10.00 сынау җыены (пробный сбор) була.

                                                                                        Администрация

Уку елында ирешкән уңышлар һәм дәүләт имтиханнары нәтиҗәләре буенча безнең гимназия ТР Мәгариф  һәм фән министрлыгы төзегән рейтингының “Татарстанның  иң  яхшы  100 белем бирүче уку йорты” исемлегенә керде. Алга таба да югарырак уңышларга ирешергә!

11 нче август көнне  мәктәпләрне  кабул  итү  комиссиясе  гимназиянең  яңа  уку  елына әзерлеген  “5” ле  билгесенә  бәяләде.

Иртә яздан көзге суыкларга кадәр гимназиябез аллы-гөлле чәчәкләргә күмелеп утыра. Әлеге матурлык аерым өлкәләрдән мактау сүзләре ишетү өчен генә тудырылмый. Гүзәллек барлык кешеләрне дә сокландырырга һәм шатландырырга тиеш.