10 нчы сентябрь көнне “Татарча диктант Яз -2021” - Дөнькүләм белем тикшерү акицясе старт алды. Әлеге акция кысаларында - 56 нчы урта гомуми белем бирү мәктәбе укучылары, укытучылары һәм туган телебезгә тугры булган һәр кеше - татар теле буенча белемнәрен сынап карады. Диктант өчен Гомәр Бәшировның “Чишмә моңы ничек җыр булды?” дигән текст тәгъдим ителде. Текст үз эченә 223 сүзне туплаган иде. Катнашучылар алдында, диктантны язганда, татар теленең орфография һәм грамматика кагыйдәләрен истә тотып, хаталарны булдырмау максаты булды. Монда барлыгы 504 кеше катнашты.
        Элеге акция ел саен Дәүләт программасы нигезендә уздырыла. Республикабызда ул алтынчы мәртәбә үткәрелә һәм бик матур традициягә әверелеп бара. Мисал өчен, 2019 нчы елда бу акциядә 80 мең кеше катнашкан булса, 2020 нче елда 300 меңнән артык була. Аның максаты: беренчедән, татар теленә кызыксынуны арттыру; икенчедән, әдәби телдә дөрес сөйләшү һәм дөрес язу күнекмәләрен үстерү; өченчедән, орфографик һәм грамматик хаталар ясамыйча язу теләген уяту; гомумән, татар теле буенча филология белгечләрен һәм туган тел укытучыларын тагын да популярлаштыру.