21 февральдә дөньякүләм туган тел көне билгеләп үтелә. ЮНЕСКО тарафыннан игълан ителгән әлеге халыкара бәйрәм дөньядагы телләрне саклау, аларны киләчәк буынга исән-имин җиткерү макстатыннан оешты. Бүгенге көндә галимнәр Җир шарында 7 меңнән артык тел булуын әйтәләр. Хәзерге заманда күпчелегебез ким дигәндә 2-3 телне камил белә. Һәр халыкның теле үзенчәлекле, күп телләр белү дөньяга карашны киңәйтә, төрле милләт халкының мәдәниятен тирәнрәк белергә ярдәм итә. Ләкин туган тел ул бер генә. Безнең телебез – татар теле. Шуңа күрә һәр татар кешесе үз теленә хөрмәт белән карарга тиеш.  Телебезнең кулланылыш даирәсен киңәйтү, аны балаларыбызга тапшыру – безнең төп бурычыбыз.

Бу максаттан мәктәбебездә бик күп чаралар оештырыла.20 февараль көне Халыкара туган тел көненә багашланган сыйныф сәгатьләре белән  башланып китте. 4 а, 6 а сыйныфы укучылары Халыкара Тугантел көненә багышланган   проект эшләре башкардылар. 7, 8 нче сыйныфлар  туган тел көненә багышланган стенгазета чыгардылар. 6 нчы сыйныф укучылары  “Туган тел(ләр)турында сөйләшәбез” мниципаль видеороликлар бәйгесендә катнаштылар. Традиция буенча мәктәбебездә 21 февраль-Халыкара Туган телләр көне”нә багышланган кичә узачак..

Хөрмәтле милләттәшләр, кадерле дуслар! Барыгызны да халыкара туган тел көне белән котлыйбыз! Татар халык мәкале: “Туган телне кадерләгән халык кадерле булыр”, – ди. Туган телләребезне саклыйк, яклыйк, чөнки милләтнең яшәешендә туган тел иң мөһим урыннарның берсен алып тора.