Бүген районыбызда "Бердәм Россия" партиясенең төбәк бүлеге секретаре Фәрит Мөхәммәтшин катнашында "Бердәм Россия" көне үткәрелде. Район мәдәният йортында районның партия активы җыелышы булып узды. Анда бүгенге чарага йомгак ясалды. Фәрит Мөхәммәтшин мөслимлеләргә республиканың иҗтимагый тормышында актив катнашканнары һәм аның социаль-икътисади үсешенә керткән өлешләре өчен рәхмәт белдерде. Алга максатлар, бурычлар билгеләде. Әлеге чарада мәктәбебеә укытучылары да катнашты

Бүген Мөслим политехник техникумында "Бердәм Россия" партиясенең  "Яңа мәктәп" федераль проекты кысаларында "Мөмкинлекләре чикләнгән балаларга һөнәри белем бирү һәм хезмәт белән тәэмин итү үзенчәлекләре" исемле семинар узды. Семинарны мәгариф идарәсе җитәкчесе урынбасары Эльвира Әхмәтҗанова ачып җибәрде. Профессор, Татарстанның атказанган укытучысы Дания Әхмәтова мөмкинлекләре чикле булган укучыларның хокуклары, укыту программасы, белем алу шартлары турында таныштырды. Психологик-педагогик һәм медик-социаль ярдәм үзәге җитәкчесе Наталья Ермолаева инвалид балалар сәламәтлегенә кагылышлы сорауларга җавап бирде. Мәгариф һәм фән министрлыгының Һөнәри программаларны тормышка ашыру һәм өстәмә белем бирүне методик тәэмин итү бүлеге мөдире Эльмира Демина инклюзив белем бирү буенча методик ярдәм күрсәтте. Әлеге семинарда мәктәбебез тәрбия эшләре буенча директор урынбасары һәм псилогы катнашты

Бүген "Бердәм Россия" партиясенең "Яңа мәктәп" федераль проектын тормышка ашыру кысаларында лицей базасында Мөслим муниципаль районында мәгарифне үстерү буенча стратегик сессия узды. "Казан ачык талантлар университеты 2.0" башкарма директоры урынбасары Ольга Шиндор мәктәп директорлары, укыту-тәрбия эшләре буенча директор урынбасарлары, мәктәпкәчә белем бирү учреждениеләре мөдирләре өчен тренинг үткәрде

22 нче август көнне Г.Тукай ис. Мөслим урта мәктәбе базасында физика һәм информатика укытучыларының методик берләшмә утырышылары узды. Үткән уку елына нәтиҗәләр ясалды, яңа уку елына планнар билгеләнде. Утырыш барышында укытучылар үзләренең эш тәҗрибәләре белән уртаклаштылар. Яшь коллегабыз Закиров И.М. "Мәгълүмати куркынычсызлык" темасына чыгыш ясады

Узган 2021-2022 нче уку елында физика фәненнән олимпиада призеры әзерләгәне өчен мәктәбебезнең физика укытучысы Минниярова Л.Б. грамота белән бүләкләнде

Узган 2021-2022 нче уку елында сәнгать фәненнән олимпиада призеры әзерләгәне өчен мәктәбебезнең музыка укытучысы Ибрагимова Э.И. грамота белән бүләкләнде

Россия Федерациясе Дәүләт флагы көне уңаеннан районыбызда патриотик хисне үстерүгә юнәлдерелгән Дәүләтебез флагына багышланган төрле чаралар узды. Шуларны йомгаклап район җитәкчелеге белән бергәлектә мөслимлеләр велойөрешкә чыкты.
Район башлыгы Альберт Хузин Дәүләт флагының бик тә зур әһәмияткә ия булуын, аны безне берләштерүен, көч бирүен билгеләп үтте һәм барча катнашучыны шушы олы бәйрәм белән котлады. Спорт бүлеге активлары белән кечкенә физкульт минут ясап алганнан соң велойөрешкә старт бирелде. Берләшеп Мөслим урамнарын урап кайту һәр катнашучыга уңай эмоцияләр бүләк итте.

Мәктәбебез укытучылары һәм техник хезмәткәрләре күпфатирлы йортлар ишегалдында урнаштырылган уен мәйданчыкларын, Мөслим авылы урамнарын чистартуда үзләренең зур өлешләрен керттеләр

Казан шәһәренең «Адымнар» полилингваль комплексында «Татарстан Республикасында милли мәгарифне үстерү» темасына педагогик хезмәткәрләрнең һәм идарә кадрларының республика форумы үтте. Форумда татар телендә белем бирүче гомуми белем бирү оешмалары директорлары; укыту һәм тәрбия теле татар теле булган мәктәпкәчә белем бирү оешмалары мөдирләре, татар телен укыту буенча тәрбиячеләр; гомуми белем бирү оешмалары директорлары урынбасарлары; татар теле һәм әдәбияты укытучыларының район методик берләшмәләре җитәкчеләре катнашты. Форумда шулай ук Татарстан Республикасы Дәүләт Советы Рәисе урынбасары, Татарстан Республикасы Президенты каршындагы татар телен һәм Татарстан Республикасында яшәүче халыкларның туган телләрен саклау, үстерү мәсьәләләре комиссиясе рәисе Марат Әхмәтов катнашында пленар утырыш узды.

Шәхси сак предприятиесе хезмәткәрләре һәм белем бирү учреждениеләре хезмәткәрләренең кораллы һөҗүм була калганда хәрәкәт итү тәртибе тикшерелде. Беренче тикшерүләр Мөслим урта мәктәбендә узды. Инструктажда районның мәгариф учреждениеләре җитәкчеләре һәм сак хезмәте вәкилләре катнашты.