18 нче ноябрь көнне ата –аналар җыелышы булды. Монда җирле үзидарә рәисе Гайнетдинова Ф. Я., ГАИ башлыгы вазифаларын башкаручы Ногманов И. Г. катнашты. Гайнетдинова Ф. Я сайлаулар буенча чыгыш ясады һәм халыкны борчыган  сорауларга җавап бирде.

Ногманов И. Г. ата- аналарга юл йөрү кагыйдәләре һәм кич чыгу мәсьәләләре буенча чыгыш ясады. Җыелышта  “ Гаилә һәм мәктәп бердәмлеге” дигән темага Галиева Т.М. чыгышы булды. Укыту буенча директор урынбасары Гәрәева Р. М. беренче  чирек йомгаклары  белән таныштырды. Директор Ханнанов М.М. йомгаклау сүзе белән чыгыш ясады һәм ата- аналарның сорауларына җавап бирде.

Әти – әниләргә укучылар көче белән әзерләнгән сәламәтлек театры күрсәтелде.

17 нче ноябрьдә Вәлеева А., Җиһаншин И. математикадан, 19 нчы ноябрьдә биологиядән, 21е көнне физикадан Җиһаншин И., 23 нче ноябрь көнне химиядән олимпиадага барды. Биология буенча 3 нче урын яулады

11нче ноябрь  көнне  татар теле һәм әдәбияты укытучысы Латыйпова Галия  бер төркем татар телчеләре белән берлектә Казан шәһәренә экскурсиягә барды. Анда “Сөембикә”, “Мәгърифәт” редакциясе хезмәткәрләре белән очрашу булды. Кич Г. Камал театрында “ Гөргөри кияүләре” спектакле карадылар.

Драмтүгәрәк членнары белән оештырылган сәламәтлек театрын видеога төшереп, конкурска җибәрделәр. Чараны  тәрбия эшләре буенча директор урынбасары Биккинина Р.Ф. һәм түгәрәк җитәкчесе Вәлиева Г. М. оештырды.

2 нче ноябрьдә  Бердәмлек көненә карата тәрбия сәгатьләре үтте.

27нче октябрь көнне  куст мәктәп -  Иске Чакмакта - Шәрифуллина Нурия районның башлангыч сыйныф укытучыларына дәрес һәм чара күрсәтте. Шушында ук Сал. Мухан төп мәктәбенең өченче сыйныфлар укытучысы Гәрәева Рәйлә дә “Физзарядка ясый куян” дигән темага мастер- класс күрсәтте. Аның эшен конкурска  җибәрергә тәкъдим иттеләр.

6 нчы октябрь  көнне мәктәп күләмендә парламент укулары үтте. Аны тарих укытучысы Насыйрова Люция үткәрде. Укучылар үзләрен кызыксындырган сорауларга җаваплар алдылар. Дәрес бик җанлы булды.