Бүген, ягъни 31 нче январь көнне мәктәптә инглиз теленнән "Зирәкләр һәм тапкырлар" кичәсе булды. Бәйгедә "Оптимист "һәм "Эрудит" командалары инглиз теленнән алган белемнәре буенча көч сынаштылар. Нәтиҗәдә "Эрудит" командасы җиңү яулады.

26нче гыйнвардан мәктәптә инглиз теле атналыгы башланып китте. Шул кысада 26сы көнне 4нче сыйныфларда укытучы Вәлеева Гөлүсә инглиз теленнән “Отрицательные и вопросительные предложения” дигән темага ачык дәрес күрсәтте. Дәрес үзенчәлекле һәм мавыктыргыч булды.

19нчы гыйнвар  көнне спартакиада кысаларында  безнең мәктәптән дә өч укучы- Сәйфиев Ф, Имаметдинов Д., Мәгалимова Д.лар  чаңгы ярышында катнашты. Усы җирлегендә үткән ярыш бик мавыктыргыч булды.

12нче гыйнварда педсовет үтте. Яртыеллык эшкә нәтиҗә ясалды. Алга таба эшләнәсе эшләр, куелган бурычлар хакында сөйләшү булды.

 11 нче январь көнне 9 нчы сыйныф укучылары  рус теленнән диагностик тест үтәргә бардылар.

7 нче  январь көнне укучылар белән лагерьны ябу тантанасы булды.  Тантанага  әти-әниләр кунак итеп чакырылды. Барлык укучылар да үзләренең җыр-биюгә осталыкларын күрсәттеләр, соңыннан  истәлекле бүләкләр тапшырылды.

5 нче январь көнне Музыкаль марафон, дискотека үткәрелде. Лагерьда үткәрелгән чаңгы, чана ярышлары да балалар күңеленә хуш килде

4 нче январь көнне Кар патшалыгына сәяхәткә бардык, “Таш калада – башкала” дигән уен уйнадык, укучылар  бик канәгать калдылар.

Кышкы каникул чорына мәктәп яны лагере оештырылды. Укучылар бик теләп ял итәргә килделәр. Алар  саф һавада уйныйлар, төрле кызык тамашалар оештыралар.

30 нчы декабрь көнне “Көлегез-көл, файдасы күп- белегез” дигән тема астында көлке көне үткәрелде. Бу көннең лидеры итеп Шәехов Нурлан билгеләнде.

29 нчы декабрь көнне мәктәп буенча Чыршы бәйрәме үтте, бәйрәмгә әти – әниләр, әби –бабайлар да килгән иде. Ветеран укытучылар үзләренең рәхмәтләрен җиткерделәр. Кичә бик күңелле һәм эчтәлекле булды.