Кечкенәләр төркемендә тәрбияләнүчеләр "Карусель" җырлы-биюле уенын уйнадылар, Кулга-кул тотынып йөрергә, сигнал буенча хәрәкәтләрен үзгәртеп йөрергә өйрәнделәр.

Зурлар төркемендә тәрбияләнүчеләр кисеп ябыштыру эшчәнлегендә яшелчәләр белән тәлинкә бизәделәр, көзге уңыш турында белемнәрен тирәнәйттеләр, яшелчәләрнең файдасы турында сөйләштеләр.

Халыкара тынычлык көне уңаеннан зурлар төркеме тынычлык акциясенә кушылдылар, авыл паркында экскурсиядә булдылар.

Кечкенәләр төркемендә Әминә Бикчәнтәеваның "Туп, туп, тубыбыз..." шигыре белән таныштылар. Төсле туплар белән уеннар уйнадылар.

Һава торышына карап бакчада иртәнге гимнастика, физик культура,әйләнә-тирз белән танышу шөгыльләре ачык һавада уза.

Туган телләр һәм халыклар бердәмлеге елы кысаларында татар балалар язучысы Абдулла Алишның туган көне уңаеннан, язучының тормыш юлы, иҗаты белән таныштык, әкиятләренә сәяхәт ясадык.

Зурлар һәм мәктәпкә әзерлек төркеме балалары бакча территориясендә үскән агачларны күзәттеләр, миләш агачы турындагы белемнәрен киңәйттеләр. 

Зурлар төркемендә тәрбияләнүчеләр "Кояшлы җәй" темасына рәсем ясадылар, рәсемнәрдән кургәзмә оештырдылар.

Зурлар төркемендә тәрбияләнүчеләр "Җәйнең гүзәл көне" темасына рәсем ясадылар, кечкенә хикәләр сөйләделәр.

Мәктәпкә әзерлек төркеме балалары янгын куркынычсызлыгы кагыйдәләрен искә төшерделәр.