Туган телләр һәм халыклар бердәмлеге елы уңаеннан мәктәпкә әзерлек төркемендә бишек җырлары турында әңгәмә узды. Балалар бишек җырлары турында белемнәрен киңәйттеләр, бишек җырларын тыңладылар. 

"Туп, туп түгәрәк, тәгәрәп кит тизерәк" - кечкенәләр төркемендә уен аша балаларның игътибарлылыгын үстерү, уен кагыйдәсен үтәргә өйрәтү максатыннан шогыль узды. Уен балалар өчен кызыклы һәм мавыктыргыч булды.

Зурлар төркемендә балалар табигатъ почмагында бик теләп хезмәт итәләр. Бүген алар гөлләрне тәрбияләргә өйрәнделәр : төпләрен йомшарттылар, яфракларындагы тузаннарны сөрттеләр, су сиптеләр.

Зурлар төркеме балалары саф һавада беренче карның үзлекләре белән таныштылар, кардан шарлар әвәләделәр.

Кечкенәләр төркемендә тәрбияләнүчеләр физик культура шогылендә тигезлек саклап йөрү кунекмәләренә өйрәнделәр.

Кечкенәләр төркемендә "Кәҗә бәтиләре һәм бүре" татар халык әкияте буенча өстәл театры уйнадылар.Рольләне балалар бик теләп башкардылар.

Туган телләр һәм халыклар бердәмлеге елы уңаеннан "Халык ашлары" проектын тормышка ашыру максатыннан мәктәпкә әзерлек төркемендә татар халык ашлары турында әңгәмә узды.

Туган телләр һәм халыклар бердәмлеге елы уңаеннан зурлар төркемендә " Туган илем - гүзәл җирем" проекты тормышка ашырыла. Проект кысаларында Мөслим районының ял зоналары, парк һәм скверлары белән таныштылар.