Мәктәпкәчә яшьтәге балалар төркеме яздан ук  карап үстергән басу культураларының ничек үсүен күзәттеләр. Икмәкнең өстәлгә ничек килү серләре белән таныштылар.

Бакчабызда гөрләп язгы эшләр бара. Түтәлләргә кишер, суган, редиска, кыяр, кабачки, помидор утырттык. Бөртекле культуралар, дару үләннәре почмаклары булдырдык. Чәчәкләр утырттык.

Балалар мәйданчыгын әти-әниләр ярдәме белән тулыландыру, матурлау эшләре бара.

Бөек Җиңүнең 74 еллыгына багышланган митингта Метрәй мәктәбе коллективы Бөек Ватан сугышында катнашкан авылдашларыбыз хөрмәтенэ куелган обелискка венок, чәчәкләр салдылар, тыл ветераннарын тәбрикләделәр.

Укучылар сугыш чоры балаларын Бөек Җиңүнең 74 еллыгы белән тәбрикләделәр.

Бүген мәктәбебездә " Адымнар нык, юллар имин булсын" дип исемләнгән квест-уен узды. Чарада "Юл хәрәкәте иминлеге" дәүләт оешмасының Сарман районы бүлекчәсе җитәкчесе Ситдикова Алсу Разин кызы да катнашты. Балаларга юл йөрү кагыйдәләрен үтәргә кирәклеген искәртте, уенга нәтиҗә ясап, бүләкләр тапшырды. 

26 апрель көнне мәктәбебездә татар халкының бөек шагыйре Габдулла Тукай туган көненә багышланган иртә узды. Укучылар һәм зурлар төркеме Г.Тукайның шигырьләрен укыдылар, җырларын җырладылар.  “Шатлык” театр түгәрәгенә йөрүче укучылар Г.Тукайның "Кәҗә белән Сарык" әкиятен сәхнәгә куйдылар.

23 нче апрель көнне авыл мәдәният йортында гомуми ата-аналар җыелышы булды. Җыелышта район башкарма комитет җитәкчесенең социаль-мәдәни мәсьәләләр буенча урынбасары Бадертдинова Марина Ранасовна катнашты һәм "Мөслим районының рухи һәм әхлакый үсеш программасы" белән таныштырды. Соңыннан мәктәп педагогик коллективы Т.Миннуллинның "Әниләр һәм бәбиләр" әсәрен сәхнәгә куйды.

Мәктәбебездә Әлифба бәйрәме булып узды.

Әтиләребез - безнең терәгебез. Алар ярдәме белән балаларның уен мәйданчыгын урнаштырдык. "Күмәк көч тау күчерә", диләр, бик зур рәхмәт аларга!

Мәктәпкәчә яшьтәге балалар төркемендә тәрбияләнүче Сәфәргалин Камил һәм Шәрифуллин Рүзәл "Лучше всех" муниципаль конкурсының зона этабында катнаштылар. Алар,  чыннан да, барысыннан да яхшы. Камилгә 4 кенә яшь булса да, 100 гә кадәр саннарны таный, алфавиттагы барлык хәрефләрне белә, 10 эчендә мәсьәләләр чишә. Ә Рүзәл исә 130 төр хайванны таный, алар турында сөйли.