"Боз өстендә куркынычсызлык һәм үз-үзеңне тоту кагыйдәләре" дигән темага укучылар белән әңгәмә булды.

Инвалидлар декадасы уңаеннан укучылар  инвалид бала, Хайбрахманов Алмаз Раиф улы белән очраштылар. Коллектив тарафыннан матди ярдәм күрсәтелде.

Мөслим гимназиясендә, башлангыч  сыйныф укучылары арасында, "Бәхетле балачак" дип исемләнгән шигырь конкурсының муниципаль туры узды. Безнең укучыларыбыз Шәйгарданова Зилинә һәм Соломотин Рамазан конкурста катнашып сертификатка ия булдылар.

Мәктәпкәчә яшьтәге балалар төркемендә оештырылган "Күбәләк" балалар театры  "Өч кыз" татар халык әкиятен сәхнәләштереп күрсәттеләр.

Метрәй башлангыч мәктәбендә гомуми ата-аналар җыелышы булып узды. Тәрбия темасына чыгышлар тыңланды, көнүзәк мәсьәләләр каралды.

Әниләр көне уңаеннан,  әниләр өчен, башваткыч уены оештырылды. 

"Бәхетле балачак" дип исемләнгән нәфис сүз конкурсының мәктәп туры булып узды. Җиңүчеләр Шайгарданова Зилинә, Соломотин Рамазан районда чыгыш ясау хокукына ия булдылар.

Әниләр көненә багышлап, 1-3 нче сыйныф укучылары өчен, "Минем әнием" дип исемләнгән проект эшләре конкурсы булып узды.

Башлангыч сыйныф укучылары чишмәләргә экологик рейд оештырдылар. Чишмә, яр буйларын чүптән арындырдылар.

Вәрәшбаш башлангыч мәктәбендә "Азкомплектлы авыл мәктәбендә системалы эшчәнлек юлы аша дәресләрне оештыру үзенчәлекләре" дигән районара семинарында мәктәбебез директоры Яббарова Синара Ягъфәр кызы "Башлангыч мәктәптә видеофильмнар, видеороликлар төшерү һәм куллану" дигән темага чыгыш ясады, кечкенәләр төркеме тәрбиячесе Шәрифуллина Равилә Флүн кызы "Мультфильм төшерү серләре" дип исемләнгән мастер-класс күрсәтте. Аларның хезмәтләрен бәяләп сертификатлар тапшырдылар.