1-3 нче сыйныф укучылары район  күләмендә үткәрелгән “Кызыл, сары, яшел”дип аталган юл хәрәкәте иминлеге нигезләренә багышланган агитбригада конкурсында катнашып, диплом һәм истәлекле бүләкләр белән бүләкләнделәр.

7 нче март көнне зурлар төркемендә “8 нче март- язның беренче бәйрәме” дип исемләнгән иртә узды.

Халыкара хатын-кызлар көне уңаеннан, директор Яббарова С.Я. призына, шашка ярышлары узды. Призга 2 нче сыйныф укучысы Шайгарданова Зилинә лаек булды.

Метрәй мәктәбе базасында директорлар, бакча мөдирләре киңәшмәсе булып узды. Директор Яббарова Синара Ягъфаровна мәктәп эшчәнлеге белән таныштырды. Балалар театрлары чыгышлары каралды.

Ватанны саклаучылар көненә багышлап  “Кызыклы старт” уены оештырылды. Башлангыч сыйныф укучылары, зурлар төркеме балалары үзара көч сынаштылар. Мишеньга кар аттылар, яшерелгән “мина” эзләделәр, чаңгыда узыштылар. Уен кызыклы һәм мавыктыргыч булды.

Һөнәрләр белән танышу максатыннан 1-3 сыйныф укучылары авылыбызның эшмәкәре Мингазов Рүзәлнең остаханәсендә булдылар. Алар остаханәнең эш алшымнары белән таныштылар.

Ватанны саклаучылар көненә багышлап,  башлангыч сыйныф укучылары һәм зурлар төркеме балалары әтиләр катнашында чара үткәрделәр.

1-3 нче сыйныфларда математикадан ачык дәресләр үтте. Укытучылар үзара тәҗрибә уртаклаштылар.

Уртанчылар төркемендә “Нәни чеби” темасына ачык әвәләү шөгыле үтте.  Башлангыч сыйныф укытучылары  һәм тәрбиячеләр катнашында дәвамчылык темасына тугәрәк остәл артында сөйләшү булды.

Кечкенәләр төркемендә “ Урманга сәяхәт” дигән темага физкультурадан ачык шөгыль үтте.