21 август көнне "Ләйсән" балалар бакчасында янгын куркынычсызлыгы буенча өйрәнүләр оештырылды. Өйрәнүләрне оештыручылар Габдрахманов И.Х. һәм Фархутдинов Р.М. барлык бакча хезмәткәрләре алдында инструктаж үткәрделәр. Янгын сигналы буенча барлык балалар да эвакуацияләнде. Янгын сундерү хезмәткәрләре янгын чыгу урынын ачыклап, тиешле вазифаларын башкардылар. Өйрәнүләр тәмамлангач балалар белән әңгәмә үткәрелде. Балалар кызыксынып тыңладылар һәм истәлеккә фотога төштеләр.

20 нче август көнне  “ Миләшкәй“ балалар бакчасында мөдирләрнең секцион киңәшмәсе  узды. Киңәшмәнең теория өлешендә   ФГОС буенча чыгышлар тыңланды ,эш тәҗрибәсе белән уртаклашу ,фикер алышулар булды.Мәгариф бүлеге методисты Р.Р.Шарифуллина яңа уку елына кулган максат-бурычлар, яңалыклар белән таныштырды.Л.М.Харисова узган уку елына нәтиҗә ясап,уңышларга  ирешкән мөдирләргә грамоталар тапшырды,үзенең киңәш-тәкъдимнәрен җиткерде. “Ләйсән” балалар бакчасы мөдире А.И.Валиуллина   яшь буынны тәрбияләүдәге уңышлары өчен  грамота белән бүләкләнде.

Киңәшмәнең практик өлешендә Л.Р.Галимова, Сингапурча белем бирү стрктураларын кулланып,  мастер –класс уздырды.

«Ләйсән” балалар бакчасында тәрбияләнүче балаларның җәй айлары күңелле уза.Участокта балаларны аллы-гөлле чәчәкләр, әкият персонажлары каршы ала. Табигать кочагында, саф һавада оештырган уеннарны балалар көтеп ала. Без бүген тәрбиячеләре Адиятуллина Г.И., Сарварова Г. Р. балалар белән “Без оста төзүчеләр” – комнан төзү конкурсы оештырдык. Балалар ниләр генә ясамадылар: пирамидалар да өйделәр, машиналар, елга,ташбака, елан һәм башка бик күп уенчыклар ясадылар.

18 июня в Казани состоялась торжественная церемония подведения итогов Года дошкольного образования в Республике Татарстан и награждение победителей республиканских конкурсов «Лучший билингвальный детский сад» и «Детский сад 2013 года». Республиканская комиссия определила 15 лучших воспитателей по русскому языку, среди которых  отмечена воспитатель по русскому языку нашего детского сада  Зигангирова Диляра Илдусовна, которая была награждена Грамотой МО и НРТ и  сертификатом.

Балалар- безнең киләчәк!                                                                        Аларны яклыйк ,саклыйк!
Балаларнын шатланганын
Ишетсен Җир, тыңласын Җир!
Балаларның көлүеннән
Берчакта да тынмасын Җир!

Балаларны яклау көне уңаеннан бакчабызда татар халкының милли бәйрәме -"Сабантуй" бәйрәме үткәрелде. Балалар ат чабышы,чүлмәк вату,капчык киеп йөгерү кебек  милли уеннар уйнадылар,спорт ярышларында катнаштылар. Җиңүчеләргә бүләкләр бирелде,бәйрәм күчтәнәчләре тутырылган  пакетлар өләшенде.

7 нче май көнне «Ләйсән» балалар бакчасы күләмендә  Бөек җиңүнең 69 еллыгы уңаеннан "Җиңү килде җиргә яз булып !" дип аталган бәйрәм иртәсе узды.Бәйрәмгә сугыш ветераны Хаят апа һәм хезмәт ветераны Гөлҗәннәт апа чакырылган иде..Ветераннар узләренен ачы тормыш юлы,сугыш авырлыклары хатирәләрен яңарттылар,узләре алып килгән күчтәнәчләрен тараттылар. Балалар ,үз чиратында, узләренең  бәйрәм иртәсен һәм күчтәнәч пакетларын  бүләк иттеләр.Әңгәмә чәй өстәле артында дәвам итте, кунаклар бик сөенеп,изге теләкләрен теләп калдылар.

Бүген, 9 апрель көнне, “Ләйсән” балалар бакчасының мәктәпкә хәзерлек төркемендә “Ачык ишекләр” көне узды. Бу чарага, төркемдәге балаларның ата-аналары һәм мәктәптән башлангыч класс укытучылары килгән иде. Төркемнең төп тәрбиячесе Ризванова Сабира Махубрахман кызы килгән кунакларга сөйләм телен үстерү һәм грамотага әзерлек буенча эшчәнлек күрсәтте. Соңыннан ата-аналар килгән укытучыларга үзләрен кызыксындырган сорауларын бирделәр.

1 нче апрель көнне“Ләйсән” балалар бакчасы тәрбиячеләре мәктәпкә хәзерлек төркеме балалары белән китапханәгә экскурсиягә бардылар. Китапханәдә эшләүчеләр балаларга кошлар турында бик кызыклы чыгыш ясадылар, матур – матур балалар китаплары белән таныштырдылар. Ә балалар үз чиратларында, китапханә эшчеләренә үзләре өйрәнгән әкиятләрне, шигырьләрне сөйләп күрсәттеләр.

31 нче март көнне “Ләйсән” балалар бакчасы рус телчесе Зигангирова Диләрә һәм тәрбияче Шаяхметова Зөһрә Минзәлә педагогия көллиятендә узган республика күләм тәрбиячеләр семинарында уңышлы чыгыш ясадылар һәм сертификатка ия булдылар.