Россия президенты В.В.Путин  2024 нче ел - Гаилә елы дип игълан итте. Без дә бакчабызда, Гаилә елына старт бирдек :"Минем гаиләм" дип исемләнгән стенгазета чыгарып куйдык. Балалар һәркайсы бик яратып үз гаиләсен рәсемгә төшерде.

Партушева София 1 нче дәрәҗә дипломга лаек булды! Афәрин,София!

Якын дустыбыз Резидәдә кунакта еш булабыз.Сәламәтлеге чикле булуга карамастан шат күңелле, тырыш Резидә балаларны көтеп,сагынып тора.Балалар да аны яратып  бүләкләр, сюрпризлар ясап шатландыралар.Узе дә кояш кебек балкып, балалар белән тиз уртак тел таба белә.

Тиздән 2023 нче ел төгәлләнеп, илебезгә яңа 2024 нче ел аяк басар. Яңа елны ак өметләр,матур хыяллар белән каршы алыйк! 

Бакчабызда бәйрәм кәефе хөкем сөрә: әти-әниләр балалар белән бергәләп "Яңа елга бүләгем" темасы астында бик үзенчәлекле, кызыклы кул эшләре ясап алып килделәр, бакчабыз яңа ел бизәлеше белән матурланды, уен мәйданчыгы кардан сыннар белән бизәлде.

Бүген һөнәрләр белән танышуны дәвам итеп, нефтьче, геолог,төзүче һөнәрләренең үзенчәлекләре,авыр һәм файдалы яклары белән таныштык.

Бакчабызда бик күркәм, җылы бәйрәм - Әниләр көне узды. Җырлы-биюле бәйрәм кичәсе төрле уеннар белән бик матур узды.Әниләргә сәламәтлек, сабырлык, балалар куанычы телибез.

Бакчабызда әти- әниләр ярдәме белән яшелчәләрдән эшләнгән кызыклы күргәзмә.