Шәһәр көне уңаеннан чаралар, конкурслар күп уздырыла.Әлеге елда тәрбиячебез "Чәчәкләр патшабикәсе" конкурсында катнашты.

Буген балалар белән Кече Сон авылында урнашкан Яруллиннар музеена сәяхәт ясадык.Балалар зур кызыксыну белән барлык мәгълүматны игътибар итеп тынладылар.Балаларда патриотик хис тәрбияләү - безнең бурычыбыз.Музейдан соң яңа төзелгән Яруллиннар скверына юл алдык.Бик зәвыклы,уңайлы төзелгән паркта сокланып йөрдек.

Велосипед - балаларның иң яраткан техникасы.Җәй - велосипедта йөрү өчен иң кулай вакыт.Юлда йөргәндә нинди кагыйдәләрне төгәл үтәргә кирәклеген гел кабатлап торабыз.Ә бүген әлеге уңайлы техник җайланмада ярыш та үткәреп алдык.

Буген каенлык полосасына юл алдык.Дару үләннәре, кыргый үсемлекләрнең үзенчәлекләре белән таныштык.

Балалар спартакиадасында катнашып бакчабыз командасы почетлы 2нче урын яуладылар.Афәрин, балалар!Алга таба да уңышлар, сезгә!

Кай арада зур үстеләр,

Бик тиз үтте бу еллар.

Бәхет-шатлык, ак юл сезгә,

Кадерле нәни дуслар!

Әлеге конкурс-фестиваль районыбызда XII нче тапкыр уздырыла.Быел да бакчабыздан балалар актив катнашты.Җиңүчебез - Зифа Нәҗмиева!Вокал-соло номинациясендә лаеклы җиңүе белән котлыйбыз!Алга таба да зур уңышлар теләп калабыз!

Юл йөрү кагыйдәләре бакчабызда даими өйрәнелә.Ә менә бугенге кунакларыбыз бакчабызда беренче тапкыр!Искиткеч кызыклы, мавыктыргыч очрашу булды.Рәхмәт сезгә матур, файдалы бүләкләрегез өчен!Балалар бик яратып кабул итте.

Г.Тукай балалар күңеленә үтеп кергән иң яраткан язучыбыз.Тукай әсәрләрен балалар бик теләп өйрәнәләр."Без - Тукайлы, моңлы, җырлы халык" исемле матур кичәбез янәдән уңышлы узды.