16 февраль көнне Зәй-Каратай мәктәбендә Хамзина Р.Р. тәрбия сәгате үткәрде. Балаларга бүгенге тыныч тормышыбызның, бәхетле балачагыбызның бәясен аңлатты. Сугыш һәм тыл батырларына карата хөрмәт, Ватанны ярату хисләре тәрбияләргә тырышты.

  Кеше гомере – диңгездәге бер тамчы, мәңгелекнең бер мизгеле генә. Шушы кыска гына вакыт эчендә кеше зур-зур планнар кора. Барлык уйлаганын эшләп өлгерергә, җирдә үзенең эзен калдырырга, мәңгелек исем, мәңгелек яшәү алырга тели һәм гомере буе шуңа омтыла. Һәр кешенең яшисе дә, яшисе килә! Ләкин язмыш кешеләр өчен көтелмәгән борылышлар, мәшәкатьләр, хәтта кайгы һәм бәхетсезлекләр әзерләп куярга мөмкин.

XX гасырның 30 нчы еллары ... Россиядә сәяси репрессиянең котырынган чоры. Ул еллардагы афәт дулкыны Бөгелмә татар мәгърифәтчеләрен дә читләтеп үтми. «Атласовчылар эше» буенча гына да 24 кеше гаепләнә. Янәсе, Һади Атласов җитәкчелегендәге татар зыялыларының бик зур яшерен оешмасы гомумтөрки Туран дәүләтен төзү өчен көрәш алып барган. 1937 елның 23 — 28 октябрендә булган ябык утырышта хәрби трибунал 24 кешене ГУЛАГка озатырга, 9 кешене атарга хөкем итә... Шулар арасында бертуган Кәбир һәм Фазыл Туйкиннар да була.1938 нче елның 15 нче октябрендә карар үтәлә. Мәгариф тарихында күренекле урын тоткан авылдашларыбызны искә алу кичәсе уздырдык. Чарага Туйкиннарның туганнары – Марат Туйкин, Сылу Насыйбуллина, Лилия Нәбиуллина,Әлфия Туйкина, үзешчән тарихчы-Хәлимов Җәүдәт абыйлар чакырылган иде. Алар укучыларга бик эчтәлекле чыгышлар әзерләгән иделәр.

Әйе, нинди зур, авыр, фаҗигале елларны үтә безнең халкыбыз. Дөрес, репрессия корбаннарын аклыйлар, аларның исемнәрен мәңгеләштерү өчен шактый гына эшләр башкарыла. Әмма үткәнне кайтарып булмый. Халык күңелендә тирән яралар кала. ЯРАЛЫ ЯЗМЫШЛАР...

Туган тел – иң татлы тел,

Туган тел – иң тәмле тел.

Тәмле тел дип, телең йотма,

Туган телеңне онытма!

14 нче февраль көнне Шәйдуллина А.Б. җитәкчелегендә, 3 сыйныф укучылары белән “Туган телем-иркә гөлем” дип исемләнгән “Сөембикә оныклары” һәм “Тукай варислары” командасы арасында уен-бәйге үткәрде. Телебез, мәдәниятебез , гореф-гадәтләребез турында укучылар белемнәрен күрсәттеләр, әңгәмә кордылар. Чара бик отышлы узды.

                                  Туган оясыннан аерылган кош

                                  Канатына мәңге ял тапмый.

                                 Туган телен яратмаган кеше,

                                 Башкаларныың телен яратмый.

14 нче февраль көнне, башлангыч сыйныф укытучысВәлиева  Г.Н. 2 нче сыйныф укучылары белән туган телгә багышланган интеллектуаль  уен үткәрде. Класс ике командага бүленеп  төрле сорауларга җавап бирделәр һәм үзләренең белемнәрен тикшерделәр. 

     1941 ел, 22 июнь. Радио шомлы хәбәр китерә. Фашист Германиясе Советлар иленә вәхшиләрчә һөҗүм ясый. Бөек Ватан сугышы башлана.1418 көнгә сузылачак дәһшәтле сугышның никадәр сузылачагын да, миллионнарның яу кырыннан әйләнеп кайтмаячагын да әле беркем  белми иде.

     Сугыш... Нинди авыр, каһәрле, шомлы сүз бу! Ул ничә миллион кешенең гомерен өзгән, күпме баланы ятим иткән, аналарны тол калдырган...

      Сугыш ...Меңләгән шәһәрләр җимерелгән, җир йөзеннән гөрләп торган авыллар юкка чыккан.

      10.02 көнне 6 нчы сыйныф укучылары һәм сыйныф җитәкчесе Гыймадиева Г.Җ. мәктәп күләмендә ачык сыйныф сәгате үткәрде. Чакырылган кунак – авылыбыз аксакалы, һәвәскәр тарихчы , авылның Ветераннар советы рәисе – Хәлимов Җәүдәт Яһүдә улы укучылар өчен бик эчтәлекле чыгыш ясады. Сугыш елъязмасында Зәй –Каратай авылының урыны,солдат хатларыннан өзекләр,тарихи мәгълүматлар...

                    Зәй-Каратай авылы данлы батырларын,

Горурланып искә алып үттек.

Үлгәннәргә башыбызны иик,

Исәннәрнең кадерен белик.

Зәй-Каратай мәктәбендә башлангыч сыйныф укучыларының укытучы-ветеран Насыйбуллина Сылу Габдулловна белән очрашу үтте.

Сылу Габдулловна Зәй-Каратай авылының бай тарихын укучыларга сөйләде.

Укучыларга очрашу бик ошады, чөнки күп кенә балалар үзләренең әби-бабайларының, авылның тарихын ишеттеләр.

Очрашуны башлангыч сыйныф укытучысы Хайброва Г.Р. әзерләде.

10нчы февраль көнне сәг. 12 дә 1нче сыйныфка килүче укучыларның әти-әниләр җыелышы була.