2024 нче елның 18 нче декабрендә гимназиябездә «Поликультур белем бирү яссылыгында туган телләрне үстерүне тәэмин итү» дип аталган V республикакүләм форум уздырылды.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                   Әлеге форумда “Лениногорск шәһәре” муниципаль берәмлеге  урынбасары Урманова Г.К.,  “Мәгариф идарәсе” муниципаль учреждениесе урынбасары Осипова А.Н, ф.ф.к, гимназиянең фәнни җитәкчесе Гаррапова Р.Х., Казан (Идел буе) федераль университеты Филология һәм мәдәниятара багланышлар институтының доценты, ф.ф.к. Хәбетдинова М. М., Азнакай, Аксубай, Әлмәт, Балтач, Чистай, Чирмешән, Яшел Үзән, Баулы, Бөгелмә, Мөслим, Лаеш, Зәй, Ютазы, Казан шәһәренең Авиатөзелеш, Яңа Савин, Совет районнары,  Лениногорск муниципаль районының татар теле, рус теле, туган телләр укытучылары (барлыгы 72 катнашучы) катнашты.

Форум барышында «Технология кроссенс как средство развития  речевой и познавательной активности» темасына мастер-класс, «Мәктәп һәм ата-аналар хезмәттәшлеге» проектының презентациясе, «Цифрлаштыру чорында татар теле: интерактив алымнар һәм белем бирү чыганаклары» темасына мастер-класс, «Дус булыйк без мәңгегә» мюзиклы,  драма түгәрәге,  «Кояшкай» хоры, «Мәдәниятләр калейдоскобы» курчак  театры интерактив мәйданчыклары эшләде. Шулай ук  татар теле һәм әдәбияты укытучылары Касимова Л.А., Сәмигуллина В.М., башлангыч класс укытучысы Гәрәева З.М., сынлы сәнгать укытучысы Солтанова Х.Х. ларның персональ күргәзмәләре, рус теле укытучыларының методик күргәзмзсе оештырылды.

 Форумның пленар өлешендә Татарстан Республикасы Лениногорск муниципаль районында дәүләт телләрен һәм башка телләрне саклау, үстерү мәсьәләсе тикшерелде.

 Татар теле, рус теле һәм башка телләр укытучыларының аерым платформаларында ачык фикер алышу барышында укытуны камилләштерү проблемалары күтәрелде һәм аларны  чишү юллары эзләнде.

Форумда катнашучылар пленар һәм платформа утырышларында ясалган чыгышларга  анализ  ясап, резолюция кабул иттеләр. Республикакүләм форумны алдагы елларда да уздыруны дәвам итеп, анда Лениногорск муниципаль районы белән хезмәттәшлек итүче төбәкләрдән, Республикабызның төрле муниципаль район мәктәпләреннән күбрәк укытучылар, югары һәм урта һөнәри уку йортлары мөгаллимнәренең дә катнашуына ирешергә, дигән тәкъдимнәр булды.