Лениногорск шәһәренең  Россия Герое Д.Н. Исламов исемендәге 6 нчы урта мәктәбендә  «Туган тел дәресләрендә укучыларның уку грамоталыгын күтәрү өчен куллланыла торган алымнар” дип аталган муниципаль семинар узды. Семинарның максаты: туган телләрне  саклау һәм үстерү, мөгаллимнәрнең һөнәри компетентлыгын  камилләштерү, үзара тәҗрибә уртаклашу. Семинарда  шәһәр һәм районның туган тел һәм әдәбияты укытучылары катнашты. Чарада башлангыч сыйныф укытучылары Табакова Н.Н, Миннибаева Г.Р , туган тел һәм әдәбият укытучысы Хәйруллина Л.Ю. ачык дәресләр күрсәттеләр. Рус теле һәм әдәбияты укытучысы Михайлова А.Н. , татар теле һәм әдәбияты укытучысы Хәкимова Г.Җ. һәм 8 нче урта мәктәп укытучылары Рамазанова Л.Г., Әхмәтҗанова Э.И. тема буенча мастер класс тәкъдим итттеләр. Семинар югары дәрәҗәдә узды, мөгаллимнәр үзара тәҗрибә уртаклаштылар, уку грамоталыгын үстерү алымнары буенча фикер алыштылар.