4 нче класс укучысы Кречетникова Мирослава (укытучысы Бадрутдинова Марьям Мунировна) "Праздники в жизни общества, как средство укрепления общественной солидарности. Масленица." темасына проект эше яклады. Эш бик яхшы билгесенә бәяләнде.

9 нчы класс укучылары индивидуаль йомгаклау проектларын (Индивидуальный итоговый проект) якладылар. Бу юнәлештә күп хезмәт куелган, эш тиешенчә башкарылган. Эшләрнең яхшы билгесенә бәяләнүе - моның ачык күрсәткече.

3 нче чирек нәтиҗәләре буенча ата-аналар җыелышы булып узды.

Бүген без балалар һәм яшьләр театр коллективларының lV төбәк җиңүчеләренең спектакльләре белән таныштык. Казан шәһәренең "Апуш" исемендәге театраль студиясенең Туфан Миңнуллин әсәре буенча куелган "Авыл эте Акбай" спектаклен карадык.

Халыкара хатын-кызлар көнен рәхәтләнеп уйнап, ярышып үткәреп җибәрдек. Укучылар да, укытучылар да, пешерүче һәм җыештыручы апалар да, хәтта директор да үз вазыйфаларыннан ял итеп, балачакка кайтып килделәр.

Булганнан бар да була шул! Бүген  укучыбыз Магизянов Ислам  татар теле буенча Республика олимпиадасының йомгаклау этабында уңышлы чыгыш ясап, грамота белән бүләкләнде. Укытучысы Сабирзянова Гөлия Хаҗип кызын һәм 8 нче класс укучысы  Исламны зур җиңү белән тәбриклибез.

Мәктәптә химия атналыгы үтте. Башлангыч класс укучылары химия укытучысы Зиангирова  Дания апалары белән кызыклы тәҗрибәләр ясап карадылар. Ә зур класслар өчен "Бер элемент тарихы" темасына күзәтү булды.

Спорт һәм хәрби хәзерлек айлыгы кысаларында мәктәптә беренче ярдәм күрсәтүгә багышланган чара булып узды. ОБЗР укытучысы  Рафис абыйлары белән берлектә укучылар төрле хәлләрдән чыгу юлларын карап үттеләр. Беренче ярдәм күрсәтү очракларын искә төшерделәр.

Укытучылар арасында спорт-масса айлыгы кысаларында башланган бадминтон ярышлары тәмамланды. Нәтиҗәдә,  1 урынны - Фаризова Алисә яулады. 2 урынга -Зиангирова Рәмзия,  3 урынга - Сахапова Земфира лаек булды.

В  рамках Года  защитника Отечества в школе прошёл смотр строя и песни.