Лагерыбызның 6 нчы көне. Балалар бик теләп йөриләр. Лагерьда эш программа нигезендә алып барыла. Бүген көнебезне Пушкин көне итеп үткәрдек. Балалар белән шигырьләренә иллюстрацияләр ясадык, әкиятләрен тыңладык, мультфильм карадык. 

Җәй балаларның иң яраткан ел фасылы. Лагерьга йөрүче балалар өчен бигрәк тә. Тәмле ашап, күңелле уеннар уйнап көннең үткәнен сизми дә калабыз. 

Балаларның ялын күңелле итеп үткәрәбез. Төрле уеннар уйныйбыз, ярышлар үткәрәбез. 

     Бүген мәктәп янында оешкан 35 балага исәпләнгән "Кояшкай" ял һәм сәламәтләндерү лагеры эшли башлады. Балаларның ялы күңелле һәм файдалы үтсен өчен тәрбиячеләр Лилия Нурзада кызы, Гөлгенә Заһид кызы һәм Илшат Рәфхәт улы эшләячәкләр.   

     1 июнь-балаларны яклау көне уңаеннан лагерьга йөрүче балалар "Бәхетле балачак" темасына асфальтка рәсем ясадылар. 

 2023 ел — Татарстан Республикасында Милли мәданиятләр һәм гореф-гадәтләр елы дип игьлан ителде. Шул уңайдан, 18 май көнне "Балалар бакчасында - милли мохит" дигән темага  безнең мәктәптә район күләм семинар үткәрелде.

    Бүген мәктәбебездә милли гореф-гадәтләрнең берсе булган яулык җыю йоласын үткәрдек. Төрле татар халык җырларын җырлап, биюләрен биеп, уеннарын уйнап үзебезгә рухи азык алдык.

   Тырыш авылы башлангыч сыйныф укучылары урманга - табигать кочагына экскурсиягә бардылар. Россия геннеслар китабына кертелгән кырмыска оясы янында булдылар.

   Мәмәшир урта мәктәбендә Җамалетдин Бикташи исеме астында Vll төбәкара фәнни эзләнү конференференция үтте. Анда мәктәбебезнең Ill сыйныф укучысы Галимова Зөбәйдә "Халкымның милли бизәге" секциясендә лауреат исемен алды (җитәкче- Набиева Л.Н.),
"Яшь  эзләнүче" секциясендә "Безгә хәзер почта кирәкме?" эше белән Агдалия һәм Данияз Галимуллиннар лауреат булдылар (җитәкче-Ганиева Ф. М.)
"Укыту тәҗрибәсе" секциясендә башлангыч сыйныф укытучысы Гомәрова Гөлгенә Заһит кызы "Башлангыч сыйныфларда уку грамоталылыгы куллану адымнары" эше белән l урын яулады.Алга таба да уңышлар телибез сезгә.

    Бүген мәктәптә Бөек Җиңүнең 78 еллыгы уңаеннан тантаналы бәйрәм чарасы булды. Әлеге чарада хөрмәтле сугыш ветераны Борһанетдин абый, сугыш чоры балалары һәм өлкән буын кешеләре катнашты. 

Сагынабыз да, горурланабыз да,

Онытылмыйлар корбан булганнар.

Бар бит менә безнең арабызда,

Җиңеп кайткан, исән калганнар.