1 нче март көнне мәктәбебездә шашка буенча мәктәп  беренчелегенә ярыш уздырылды. Егетләр арасында беренчелекне 6 нчы  сыйныф укучысы  Николаев Илнар, ә кызлар арасында 7 нче сыйныф укучысы Валиева Ләйсән яуладылар.

21 нче февраль көнне хәрби - патриотик айлык уңаеннан 1800- сәгатьтә  8,9,10,11 нче сыйныф егетләре арасында "Ягез әле, егетләр" кичәсе уздырылды.

20 нче февраль көнне 9, 11 нче сыйныф укучылары һәм әти - әниләре  өчен җыелыш үткәрелде. Анда йомгаклау  аттестациясенә карата булган яңа норматив документларның эчтәлеге каралды, укучылар  әти - әниләре  белән берлектә дәүләт йомгаклау аттестациясендә катнашу өчен гаризалар язып тапшырдылар.

20 нче февраль көнне дәресләрдән соң 5,6,7 нче сыйныф малайлары өчен Ватанны саклаучылар көненә багышланган кичә уздырылды.

19 нчы февраль көнне башлангыч сыйныф малайлары арасында "Ягез  әле,  малайлар! " конкурсы булып узды. "Танкистлар" һәм "Солдатлар" командалары үзара көч сынаштылар.

10 нчы февральдән 14 нче  февральгә кадәр хәрби - патриотик айлык уңаеннан мәктәп  күләмендә автомат  сүтеп кору һәм ату ярышлары уздырылды.

14 нче  февраль көнне Совет гаскәрләренең  Әфганстаннан чыгарылуларына 25 ел тулу уңаеннан мәктәптә Село - Чура авыл җирлегеннән Әфган сугышында катнашкан якташларыбыз белән очрашу кичәсе уздырылды.

8 нче февраль көнне мәктәбебездә  "Онытылмас мәктәп еллары" дип  исемләнгән очрашу кичәсе булып узды. Мәктәпне  1984, 1994, 2004 нче елларда  бетергән  укучылар укытучылар белән берлектә мәктәп елларын искә төшерделәр, укучылар көче  белән әзерләнгән концерт карадылар.

Февраль аенда елдагыча мәктәбебездә хәрби - патриотик тәрбия бирү айлыгы башланып китте. 

24 январь көнне "Ленинград шәһәренең блокададан азат ителүенә 70 ел" дигән темага сыйныф сәгате уздырылды. Иң элек укучылар алдында тарих фәне укытучысы Степанов П. Г. чыгыш ясады. Аннары укучыларга шушы темага документаль фильм күрсәтелде.