Көзге каникулга китәр алдыннан сыйныф җитәкчеләре һәрбер укучыга су объектлар янында уз-үзеңне ничек тоту кирәклеген искәртеп, инструктаж үткәрделәр. Елгаларда боз катламнары барлыкка килсә дә, алар бик юка һәм бу балалар тормышы өчен куркыныч тудыра. Өлкәннәр, әти-әниләр һәм балалар бу хакта онытмаска тиешбез. Бөтен кагыйдәләрне төгәл үтәгән очракта гына тормышыбызга куркыныч янамас.

2015 елның 2 ноябреннән республика мәктәп укучыларының көзге каникуллары башлана. Каникул 8 ноябрьгә кадәр дәвам итәчәк. Исегезгә төшерәбез, 2015-2016 уку елына балаларга аларның гомере һәм сәламәтлеге куркынычсызлыгын тәэмин итүче оешкан ял булдыруга шартлар тудыру, каникуллар вакытында укучылар өчен үткәрелә торган чараларның бердәй планын гамәлгә ашыру максатыннан, шулай ук әти-әниләрнең күпсанлы сораулары буенча Татарстан Республикасы Мәгариф һәм фән министрлыгы тарафыннан каникуллар үткәрүнең бердәй вакыты тәкъдим ителгән иде. Закон буенча каникуллар үткәрү вакыты турындагы карар кабул итү хокукы аерым мәктәп администрацияләре карамагында. Шулай да, күпчелек ата-аналар фикеренчә, республиканың барлык мәктәпләрендә дә бер үк вакытта каникул булдыру балалар өчен дә, өлкәннәр өчен дә кулай.

16 нчы октябрь көнне дәресләрдән соң башлангыч сыйныф укучылары  “Уңыш бәйрәмен” бәйрәм иттеләр.