Хабибрахманов Алмаз, Халиков Альмир, ХаликовФанис, Ахметзянов Илназ, Хакимов Айнур, Саляхов Салават,МифтаховРаиф, ИскандаровДилюс Спартакиада кысаларында уздырылган мини-футбол ярышында мәктәбебезнең данын якладылар һәм мактаулы 3 урынга лаек булдылар. Котлыйбыз!

Бөек җиңүнең 71 еллыгын мәктәбебездә зурлап каршыладык. Үлемсез полк акциясендә барлык укучыларыбыз да актив катнаштылар. Җиңү шатлыгын уртаклашырга 75 сугыш елы балалары , җирлек җитәкчеләре һәм авылдашлар килде. 

9 Май уңаеннан 3а  сыйныф укучылары ветеран укытучы, Загреева Гамилә апага барып, Җиңү бәйрәменең 71 еллы шатлыгын уртаклаштылар.

Олыяз авыл җирлегендә яшәүче бердәнбер Бөек Ватан сугышы ветераны Фатхетдинов Мөхәммәд (Вакыйф) абыйда 5а сыйныф укучылары кунакта булдылар һәм Бөек Җиңүнең 71 еллыгы шатлыгын уртаклаштылар. Ветеран 92 еллык тормыш тәҗрибәсе белән таныштырды, укучыларга киңәшләрен һәм изге теләкләрен җиткерде.

10 сыйныф укучылары ялгызы гына Балыклы авылында яшәүче сугыш чоры баласы Ашрапова Миннегөл апаны бәйрәм белән котлап кайттылар.

2 а сыйныф укучылары Җиңү бәйрәме белән котлау өчен Әвганстанда интернационал бурычын үтәгән авылдашыбыз Тимергалиев Альберт Әхәт улының өенә бардылар. Аның хәлләрен сорашып, шарлар һәм чәчәк бәйләмнәре бүләк итеп кайттылар.

4 а сыйныф укучылары ветеран укытучы Саляхова Рәсимә апаның хәлен белергә бардылар.

1 а сыйныф укучылары класс җитәкчеләре белән бергә ветеран - авганчы Закиров Ильяс Гаян улын Җиңү бәйрәме белән котладылар.