28 октябрь көнне  педагог-организатор А.Мансуровна һәм класс җитәкчеләре көче белән югары  класс укучылары өчен “Көз-2017” бәйрәме оештырылды. Бәйрәм кызыклы һәм тәрбияви яктан файдалы итеп, хезмәткә мәхәббәт тәрбияләп үткәрелде.

25 октябрь көнне педагог-организатор А.Мансуровна һәм класс җитәкчеләре көче белән 5-6-7 класс укучылары өчен “Уңыш-2017” бәйрәме оештырылды. Бәйрәм кызыклы һәм тәрбияви яктан файдалы итеп, профориентация юнәлешенең мөһимлеген аңлатып оештырылды.

РТ конституциясенең 25 еллыгына  багышланган Парламент сәгате  җирлек үзидарә депутаты Хазиев Г.Х. катнашында уздырылды.

Укучылар арасында уздырылган Спартакиада кысаларында шашка буенча ярышта укучыларыбыз Хусаенова Г., Ахметзянова З., Фатхутдинов Б., Шакерзянов А. мәктәбебез данын яклап уңышлы чыгыш ясадылар.

Информатика укытучысы Хабибуллина И. И. 11 сыйныфларда " Куркынычсыз интернет дәресе " уздырды. Укучылар белән әңгәмә алып барылды.

14 октябрь көнне “Без начар гадәтләргә каршы” дигән девиз астында район күләмендә волейбол ярышы оештырдык. 6 класс укучыларыннан торган җыелма командабыз 3 призлы урынны яулады: Ахметзянов Д., Хамадиев С., Ахметзянов И., Салихов К., Газизов И., Тазетдинов Р., Шарафеев Р., Шарафиев И.

5 сыйныф укучылары Казандагы Татарстан милли музееенда булып, Австралиядә яшәүче, нәсел тамырлары Татарстанга тоташкан татар гаиләсе Вәлиевларның күргәзмәгә куелган шәхси коллекциясе белән танышып кайттылар. 

Укытучылар  һәм олылар көне мәктәбебездә зур тантана белән үткәрелде. 6 класс укучылары "Хезмәт даны" газетасында  укытучыларны котлап шигырь бастырдылар, 7 класс укучылары үз куллары белән ясаган котлау открыткалары таратттылар. 11 класс укучылары фән укытучылары ярдәмендә дәресләр бирделәр. Профсоюз председателе З.Шарифулловна җитәкчелегендә бәйрәм өстәле әзерләнде һәм укучылар көче белән концерт куелды.

25 сентябрь һәм 2 октябрь  аралыгында Республика күләмендә уздырылган «Осенняя неделя добра - эстафета добрых дел» акциясендә зур тырышлык белән катнаштык. Бу акцияне иглан итеп гомуми мәктәп линейкасы үткәрдек, милли кухня конкурсы уздырылды, класс җитәкчеләре укучылар белән туган як табигатенә экскурсияга чыктылар, мәктәп медсестрасы укучыларга беренче ярдәм күрсәтү алымнарын өйрәтте, укучылар һәм авыл яшьләре катнашында футбол ярышы үткәрелде, 5-11 класс егетләре көче белән җирлектәге чишмәләр чистартылды, һәр класс үзләренә билгеләнгән олы яшьтәге ялгыз яшәүчеләргә шефлык ярдәме күрсәттеләр.