5 апрель көнне районыбыз үзәк дәваханәсе хезмәткәрләре көче белән медосмотр үткәрелде.

4 апрель көнне укучылар Спартакиадасы кысаларында  волейбол уенының группалар эчендәге ярышын оештырдык. Руслан Рашитович җитәкчелегендәге җыелма командаларыбыз (кызлар, егетләр) лаеклы 2 урынны яуладылар.

ОБЖ укытучысы Альбина Хафизовна җитәкчелегендә Мубаракова М., Шарафеев И., Камалиев Р. “Безопасное колесо” конкурсында уңышлы чыгыш ясап кайттылар.

Башлангыч сыйныф укытучысы Хазеева Алсу Гарифзяновна " Кеше тәрбияләү" республика конкурсының муниципаль этабында " Сыйныф  җитәкчесе " номинациясендә уңышлы чыгыш ясап, мактау грамотасы белән бүләкләнде. Аны чын күңелдән котлыйбыз, алга таба да зур уңышларга ирешүен телибез.

9 класс укучылары профориентация юнәлешендәге экскурсия кысаларында СХПК “Урал” ның машина-трактор паркы белән таныштылар.

Каникул чорында балалар катнашында юл фаҗигаларын кисәтү максатыннан районыбызның ГИБДД бүлеге җитәкчесе Фахрутдинов Фирдүс Канифович белән очрашу уздырдык. Укучылар җәяүлеләргә, пассажирларга, велосипед һәм скутер йөртүчеләргә карата юл йөрү кагыйдәсендә язылган таләпләр белән таныштырылдылар.

Галиев Б, Хусаенова Г., Мамадҗанов И., Гатауллина Ф., укытучылары Гимадиев Ә.И. җитәкчелегендә мәктәбебезнең данын яклап  районыбыз башлыгы кубогына үткәрелгән өстәл теннисы ярышында катнаштылар.

СХПК “Урал”ның фермаларына 6 класс укучыларының профориентация юнәлешендәге экскурсиясе файдалы һәм нәтиҗәле узды.

Алинә Ринатовна җитәкчелегендә 7 класс укучылары мәктәп музеенда “Батырлык “ дәресен дә булдылар.

Шакиров С., Ганиев Б., Юнусов А., Закиров Р., Хакимов И., Гарипов А., Гатауллин Р., Ганиев Р. районыбыз беренчелегенә үткәрелгән мини-футбол ярышында мәктәбебез данын яклап уңышлы чыгыш ясадылар.