Мәктәбебездә патриотик айлык  кызу темплар белән  башланып китте. Шул уңайдан укучылар бик теләп волейбол ярышларында катнашып киләләр. Һәр сыйныф команда туплап үзләренең көчләрен сыныйлар. Аларга уеннарында уңышлар теләп калабыз.

Мәктәбебездә патриотик айлык кысаларында башлангыч сыйныфлар арасында бадминтон ярышы башланып китте. Кече сыйныфларга бу ярыш бигрәк тә күңелле һәм кызык тоелды. Алар дәресләре бетүгә бадминтон уйнарга дип мәктәбебезнең спорт залына  бик теләп җыелалар һәм шушы бәйгедә кызыксынып катнашалар.

Халык җырлары, моңнары да гасырлар аша  буыннан буынга сакланып һәм камилләшеп, безнең бабаларыбыз тарафыннан калдырылган иң кадерле мирас булып тора. Шушы мирасны саклау өчен баян түгәрәгенең эшчәнлеге бүгенге көндә бик актуаль. Шушы түгәрәкнең җитәкчесе Гильмуллин Рәйхан Рөстәм улы үз эшенең остасы. Укучыларыбыз да бу түгәрәккә бик теләп катнашалар һәм төрле бәйгеләрдә зур уңышларга ирешәләр.

Мәктәбебездә 2018-2019 нчы уку елының 1 нче сыйныфына укырга керүче нәниләребезнең әти-әниләр җыелышы булып узды. Әлеге җыелышта укучыга, әти-әнигә, мәктәпкә кагылышлы сорауларга җаваплар, фикерләр тынланылды.

Атналык дәвамында мәктәптә укучылар көче белән хәзерләнгән күргәзмә макетларга, альбомнарга, рәсемнәргә бай иде. Һөнәри темага  уздырылган  лэпбуклар конкурсы тирән эчтәлекле, мәгълүмати һәм матур бизәлеше белән аерылып торды.

Башлангыч сыйныфлар атналыгының өченче көнендә мәктәбебезнең туган якны өйрәнү музеена экскурсия оештырылды.

Шулай ук атналык кысаларында 1,3,4 сыйныфларда ачык дәресләр үткәрелде.  Дәресләр укучыларның яшь үзенчәлекләрен истә тотып, балаларның танып белү активлыкларын үстерерлек итеп, кызыклы һәм методик яктан дөрес оештырылган иде. Укучыларның мөстәкыйль эшләрен тиешле күләмдә үткәрү, иҗади биремнәрне уңышлы куллану күзәтелде.

Ел саен мәктәбебездә февраль ае хәрби - патриотик айлык буларак игълан ителә. Укучыларга хәрби -патриотик тәрбия бирү максатыннан төрле чаралар үткәрелә, айлык план төзелә. Бугенге линейкада тормыш иминлеге нигезләре укытучысы - Башаров  Фәтрахман  Габдрахман улы укучыларны айлык план белән таныштырды.

Атналыкның икенче көнендә  безнең кечкенәләребез  һөнәри юнәлеш буенча экскурсияләрдә булдылар. Алар сыйныф җитәкчеләре белән берлектә күршедә урнашкан аграр көллияткә  экскурсиягә бардылар.  Башлангыч сыйныф укучылары механизатор ,төзүче һәм пешекче,слесарь һөнәрләре белән таныштылар. Һәркайда һөнәрләр белән танышып, һөнәр ияләренә сораулар бирделәр. Экскурсия  кызык һәм файдалы үтте.

26 нчы гынварь көнне, Зәй районының спорт-сәламәтләндерү комплексында Ринат Фәрдиев истәлегенә татарча көрәш ярышы оештырылды. Әлеге ярышта 2002-2003 нче елгы яшүсмерләр арасында 45 кг авырлык белән Гильметдинов Инсаф 1 нче урынны алып кайтты. Инсафны әлеге җиңүе белән котлыйбыз, алга таба уңышлар телибез!